Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Birneshe óńirde ulttyq qaýipsizdik departamentine jańa basshylar taǵaıyndaldy

2022 jyldyń 14 qańtar 2022 19:48

NUR-SULTAN. QazAqparat – Almaty qalasy jáne Qostanaı, Qyzylorda oblystaryndaǵy ulttyq qaýipsizdik komıteti departamentterine jańa bastyqtar taǵaıyndaldy, dep habarlaıdy QazAqparat tilshisi.

Almaty qalasy ulttyq qaýipsizdik komıteti departamentiniń bastyǵy bolyp Marat Irmenov taǵaıyndaldy.

Al Qostanaı oblysy boıynsha departamentti bqdan bylaı ulttyq qaýipsizdik general-maıory Aıbar Dýanbaev basqarady.

Ulttyq qaýipsizdik komıtetiniń Qyzylorda oblysy jáne Baıqońyr qalasy boıynsha departament bastyǵy qyzmetin polkovnık Bolat Qalmyrzaev atqaratyn boldy.

Eske salsaq, QR Prezıdenti Qasym-Jomart Toqaev 11 qańtardaǵy Parlament Májilisiniń jalpy otyrysynda birqatar qalalarda UQK departamentiniń basshylary boryshyna adaldyq tanyta almaǵanyn synaǵan bolatyn.

«Shetin jaǵdaıda Qorǵanys mınıstrligi men memlekettik kúzettiń áskerı qyzmetshileri abyroımen kózge tústi. Biraq bári birdeı óziniń boryshyna adaldyq tanytqan joq. Birqatar qalalarda Ulttyq qaýipsizdik komıteti departamentiniń basshylary jetkilikti áskerı arsenal bolǵanyna qaramastan, qyzmettik ǵımarattardy ondaǵy qarý men qupııa qujattarmen birge aıqassyz tastap ketti», - dedi Memleket basshysy.

6 qańtarda Prezıdent Jarlyǵymen Kárim Másimov Qazaqstan Respýblıkasy Ulttyq qaýipsizdik komıtetiniń tóraǵasy laýazymynan bosatylyp, 8 qańtarda komıtettiń baspasóz qyzmeti onyń ustalǵanyn málim etken bolatyn.

QR Ulttyq qaýipsizdik komıtetiniń resmı saıtynyń málimetinshe, osy jyldyń altynshy qańtarynda UQK Qazaqstan Respýblıkasy Qylmystyq kodeksiniń 175-baby 1-tarmaǵymen, memleketke satqyndyq faktisi boıynsha tergeý bastaǵan edi.

Al 13 qańtarda Másimov pen onyń orynbasarlarynyń ústinen qatysty bılikti kúshpen basyp alý áreketi boıynsha tergeý bastaldy.


Joǵary qaraı