Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Birneshe páterdi tonaǵan ákki urylar qolǵa tústi - SQO

2021 jyldyń 21 shilde 2021 16:18

PETROPAVL. QazAqparat – Soltústik Qazaqstan oblysynda birneshe páterdi tonap, 3 mln artyq teńge shyǵyn keltirdi degen kúdikpen eki er adam ustaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jaz bastalǵaly Petropavlda páter tonaýshylyq kóbeıgen. Bir jaǵdaıda qylmyskerler urlyqqa kúndiz túsken, esikti arnaıy kiltpen ashqan.

Endi bir joly ury páterge ekinshi qabattaǵy balkon terezesinen kirgen.

13 shilde kúni qaskóıler Petropavldaǵy Internatsıonal kóshesindegi páterge kirip, aqsha men altyn buıymdardy jymqyryp ketken. Zardap shegýshiniń sózine qaraǵanda, shyǵyn somasy 2 mln teńgeden asady.




Ákki urylar asa saq bolǵandaryna qaramastan, polıtseıler olardyń izine tústi. Oblystyq polıtsııa departamenti jáne Petropavl qalalyq polıtsııa bólimi jedel ýákilderi kýágerlerdiń túsiniktemelerin, oqıǵa oryndaryna jaqyn jerde ornalasqan beınebaqylaý kameralarynyń jazbalaryn egjeı-tegjeıli zerdeledi. Sondaı-aq, osyndaı qylmystar jasaǵany úshin isti bolǵan, jaqynda bas bostandyǵynan aıyrý oryndarynan bosatylǵandar tekserildi.

Qylmysty jasaý joly buǵan deıin sottalyp, byltyr jeltoqsan aıynda bosap shyqqan, narkologııalyq ortalyqta esepte turǵan 36 jastaǵy qala turǵyny ekenin kórsetti. Ekinshi kúdikti de buryn sotty bolǵan onyń 34 jastaǵy tanysy bolyp shyqty.

Olar 14 shilde kúni ustaldy. Kúdiktilerge qatysty qamaýǵa alý túrindegi bultartpaý sharasy qoldanyldy. QR Qylmystyq kodeksiniń 188-baby 3- bóligi boıynsha Sotqa deıingi tergep-tekserý bastaldy. Urlanǵan zattardyń bir bóligi qala lombardtarynan alyndy.

«Qazirgi ýaqytta iste 6 epızod bar, Petropavl turǵyndaryna keltirilgen shyǵyn somasy 3 mıllıon 190 myń teńge. Kúdiktilerdiń uqsas qylmystarǵa qatystylyǵy tekserilip jatyr. Barlyq jaǵdaıda urylar qulpy nashar páterlerdi, beıne baqylaý ornatylmaǵan podezderdi tańdaǵan», - deıdi SQO polıtsııa departamenti bastyǵynyń orynbasary Rýslan Nazarov.

SQO-da jyl basynan 274 páter urlyǵy tirkeldi, qazirgi ýaqytta onyń 190-y ashyldy.


Joǵary qaraı