Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Birtutas Qazaqstan» uǵymyn ornyqtyrý kókeıkesti - Dıhan Qamzabekuly

2022 jyldyń 29 sáýir 2022 16:32

NUR-SULTAN. QazAqparat – Zııaly qaýym, bilim-ǵylym salasy Prezıdent bastaǵan reformalardy kásibı quzyreti deńgeıinde júzege asyrýǵa daıar. Bul týraly Qazaqstan halqy Assambleıasynyń kezekti otyz birinshi sessııasynda L.N.Gýmılev atyndaǵy EUÝ prorektory, QR UǴA akademıgi Dıhan Qamzabekuly málim etti, dep habarlaıdy QazAqparat tilshisi.

«Jańa Qazaqstan úshin el birligi men memleketshildik – mańyzdy irgetas. Naýryz aıyndaǵy «Jańa Qazaqstan: jańarý men jańǵyrý joly» atty Joldaýynda Prezıdent memlekettik múdde jolynda etnostar uıysýyn – «aýqymdy ózgeristerdiń júrýin tezdetetin» faktor retinde baıyptady.Eń bastysy, Jańa Qazaqstannyń máni aıqyndaldy. Ol, birinshiden, eldik qaýipsizdikti qanaǵattandyratyn; ekinshiden, azamattardyń áleýmettik bastamalaryn qoldaıtyn keshendi rekonstrýktsııa. Bul rette zııaly qaýym, ásirese, bilim-ǵylym salasy mamandary Prezıdent bastaǵan reformalardyń mańyzyn jete túsinip, ony kásibı quzyreti deńgeıinde júzege asyrýǵa daıar», - dedi D. Qamzabekuly.

Ǵalym ulttyq uıysýdaǵy mańyzdy qaǵıdattarǵa toqtalyp ótti. Birinshi qaǵıdat – eldik, memleketshildik. Álemdik parasat óresinde ult pen memleket – bir uǵym.

Biz úshin, jańa Qazaqstan úshin «túrli kózqaras – birtutas ult» deńgeıi – basty baǵyt. El men jer tutastyǵy da osynyń ishinde.

«Ekinshi qaǵıdat – qoǵamnyń joǵary mádenıeti. Qazaqstan halqy assambleıasy muraty turǵysynan aıtqanda, ár etnostyń kostıými, dám máziri – etnostanýdyń bergi jaǵy ǵana. Onyń arǵy jaǵy nemese tereńi – ár etnos ǵulamalarynyń danalyǵyn, fılosofııalyq oı-tolǵamdaryn bilý, túısiný jáne nasıhattaý. Úshinshi qaǵıdat – eńbek qundylyǵy jáne bardy uqsatý. Qazaqstan qoǵamy istiń kózin tabatyn kásibılikke zárý. Árbir salada, árbir iste osyndaı bastamashyldyqty yntalandyrýymyz kerek. Táýelsizdiktiń 30 jyldyǵy – eleýli beles. Biraq qoǵamnyń sanasy áli de transformatsııalanyp jatyr. Biz qatelikten sabaq ala bilýimiz qajet», - dedi QR UǴA akademıgi.

Osy oraıda Dıhan Qamzabekuly óz usynystaryn jarııalady.

«Biz, bilim salasy mamandary, jastardyń boıynda «qoǵamǵa degen jaýapkershilik ımmýnıtetin» qalyptastyrýdy kásibı borysh sanaýymyz qajet. Qazir eldegi etnostardyń sanyn aıtý, jarnamalaý kókeıkesti emes, «Qazaqstan birtutas!» degen uǵymdy, túsinikti ornyqtyrý kókeıkesti. «Qazaqstanda eshkim tegine, jynysyna, ultyna, násiline, tiline, dinine qarap bólinbeıdi!» degen shynaıy tezıs mándi. «Fleksıkıýrıtı» (flexicurity) prıntsıpine súıengen eńbek naryǵy reformasyn júrgizý. Munyń máni – eńbek kúshin áleýmettik turǵydan qoldaý arqyly ıkemdi el ekonomıkasynyń damýyna qajetti jumystarǵa tartý. Jastardy jańa isterge jigerlendirý úshin qoǵamda elshil ata-ana qalyptastyrýǵa aıryqsha mán berý qajet dep esepteımiz. Bul – bilim, mádenıet, bılik oryndary birlesip atqaratyn keshendi shara. Endeshe shynaıylyqqa qushtar, ásire maqtannan ada, sózi men isi bir jerden shyǵatyn qoǵam bolýdan jańylmaıyq», - dedi ǵalym.

Osyǵan deıin QR Prezıdenti tóraǵalyǵymen Qazaqstan halqy Assambleıasynyń HHHІ sessııasy ashylǵanyn jazdyq.

Memleket basshysy Assambleıa Senat depýtattyǵyna kandıdattardy irikteýdiń tıimdi ári ashyq rásimin ázirleýi kerek ekenin aıtty.


Joǵary qaraı