Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Biryńǵaı zeınetaqy tólemin alýdyń shekti mólsheri nege ósti - Eńbek mınıstrliginiń jaýaby

2021 jyldyń 3 jeltoqsan 2021 13:00

NUR-SULTAN. QazAqparat – QR Eńbek jáne halyqty áleýmettik qorǵaý mınıstrliginiń baspasóz hatshysy Aleksandr Kononets birjolǵy zeınetaqy tólemin alýdyń shekti mólsheri nege artatynyn túsindirdi, dep habarlaıdy QazAqparat tilshisi.

«Qazaqstan Respýblıkasynda zeınetaqymen qamsyzdandyrý týraly» Zańda belgili bir jastaǵy salymshy úshin zeınetaqy jınaqtarynyń eń tómengi qajetti somasy «eń tómengi jetkiliktilik shegi» retinde qarastyrylady. Onyń mólsheri aı saıyn tabystyń 10%-yn turaqty zeınetaqy jarnasy retinde aýdara otyryp zeınet jasyna jetken salymshynyń jınaǵyndaǵy aqshanyń eń tómengi mólsheri eń tómengi zeınetaqy mólsherin tóleýge múmkindik berý kerek. «Zeınetaqymen qamsyzdandyrý júıesiniń tıimdiligi eńbek kirisi bolmaǵan kezeńdegi salymdy zeınetaqy tólemderimen almastyrý deńgeıimen aıqyndalatynyn eskersek, QR Úkimetiniń 2021 jylǵy 6 qańtardaǵy №1 qaýlysymen bekitilgen tómen jetkiliktilik mólsherin aıqyndaý ádistemesi boıynsha zeınetaqy jınaqtarynyń eń tómengi jetkiliktilik shegin aıqyndaý kezinde eń tómengi jalaqy mólsheri, sondaı-aq eń tómengi zeınetaqy, eń tómengi kúnkóris deńgeıi sııaqty kórsetkishter paıdalanylady jáne «Respýblıkalyq bıýdjet týraly» Zań boıynsha jyl saıyn ındeksteledi», - dep jazady mınıstrliktiń baspasóz qyzmeti.

Vedomstvonyń túsindirmesinde birjolǵy zeınetaqy tólemin alýǵa qajet tómengi jetkiliktilik mólsheri jyl saıyn bekitilip otyratyny aıtylǵan.

«Memleket basshysy «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýy aıasynda 2022 jylǵy 1 qańtardan bastap eń tómengi jalaqyny 42 500-den 60 myń teńgege deıin (nemese 41%) arttyrýdy tapsyrdy. Eń tómengi jalaqynyń ulaıatyny týraly boljam tómen jetkiliktilik mólsherinniń sınhrondy ulǵaıýyna ákelip otyr. Bul bolashaq zeınetkerlerdiń keıin alatyn zeınetaqysyn eńbek tabystarynyń ózgerýine barabar deńgeıde saqtaýdy qamtamasyz etedi», - dep jazylǵan vedomsvtonyń málimetinde.


Joǵary qaraı