Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Birjan Nurymbetov zeınetaqy jınaǵyndaǵy «jetkiliktik shegin» túsindirdi

2020 jyldyń 9 qazan 2020 17:29

NUR-SULTAN. QazAqparat - QR Eńbek jáne halyqty áleýmettik qorǵaý mınıstri Birjan Nurymbetov «jetkiliktik shegine» qatysty túsinik berdi , dep habarlaıdy QazAqparat tilshisi.

«El Prezıdenti óziniń Joldaýynda áleýmettik salaǵa qatysty birqatar tapsyrma bergen bolatyn. Sonyń ishinde halyq tarapynan basym qyzyǵýshylyq tanytqan Biryńǵaı zeınetaqy jınaqtaýshy qorynan azamattar óziniń jınaǵynyń bir bóligin turǵyn úı máselesin sheshýge, emdelýge jáne basqa da zeınetaqy basqarý kompanııalaryna ınvestıtsııalaý úshin aýdarý múmkindigine qatysty bolyp otyr. Birinshiden, ondaı múmkindikke eńbekke qabiletti, ıaǵnı zeınet jasyna jetpegen, atalǵan qorda jınaqtary bar azamattar ıe bolady. Olar ózderiniń «jetkiliktik sheginen» asatyn qarajatyn tolyǵymen atalǵan maqsattarǵa paıdalana alady. Bul turǵyda negizgi másele – ol «jetkiliktik shegi». Ol ne úshin belgilenedi, qalaı esepteledi? Birinshiden, elimizde 1998 jyldan bastap jınaqtaýshy zeınetaqy júıesi engizilgen. Ár azamat óz jalaqysynan 10 paıyzdyq jarnany qorǵa aýdaryp keledi», - dep toqtaldy mınıstr Ortalyq kommýnıkatsııalar qyzmetinde.

Osy oraıda B. Nurymbetov zeınetke jetken azamat úshin zeınetaqy alýdyń úsh kózi qalyptasqanyn eske saldy. Bul turǵyda memekettik bıýdjet esebinen jasyna kelgen zeınetaqy jáne bazalyq zeınetaqylyq tólem, sondaı-aq zeınetaqy jınaqtaýshy qorynan jınalǵan qarjy esebinen zeınetaqy qamtylǵan.

«Bul reforma 1998 jyldan bastalǵanyn eskersek, jyldar ótken saıyn zeınetaqy jınaqtaýshy qorynan alatyn zeınetaqynyń úles salmaǵy da ósedi. Boljam boıynsha 2040 jyldan keıin zeınet jasyna jetken bizdiń azamattarymyz úshin jınaqtaýshy qordan alatyn zeınetaqysy negizgi kózi bolady. Sondyqtan jınaqtaý júıesiniń negizgi maqsaty – ol azamattar ózine zeınetkerlikke qarajat jınaıdy. Osyǵan baılanysty bolashaqta zeınetaqyǵa jetetin qarajat ár adamnyń sol qordaǵy esep-shotynda qalýy tıis. Osy turǵyda «jetkiliktik shegi» belgilenedi», - dep túsindirdi vedomstvo basshysy.

«Qajettilik shegin esepteý tártibi resmı Úkimettiń arnaıy qaýlysymen bekiletin bolady. Osy kúnge deıin onyń mólsherin ár jasqa eseptep habarlaǵan edik. «Jetkiliktilik sheginiń» negizgi parametrleri áıelder men erler úshin biryńǵaı mólsherde qaraldy. «Jetkiliktilik shegi» degenimiz – ol erteń zeınet jasyna jetkende zeınetaqy jınaqtaý qorynan eń kem degende tómengi mólsherde zeınetaqy alýǵa múmkindik beretin soma. Óz kezeginde ony ár jas shamasyna qaraı eseptedik. Jas azamat zeınet jasyna deıin keminde eń tómengi jalaqy alyp, sonyń 10 paıyzyn aýdaryp otyrsa, keıin zeınet jasyna jetkennen soń, eń tómengi zeınetaqy alýǵa múmkindik beretin «jetkiliktik shegi» qarastyryldy», - dedi Birjan Nurymbetov.

Sonymen qatar ol atalǵan múmkindikti zeınet jasyna jetken kisiler de paıdanalana alatynyn atap ótti.

«Ol zeınet jasyna jetip otyr, memleketten zeınetaqy alady jáne jınaqtaýshy qorynan zeınetaqy alyp júrgen adamdar osy qorda qalǵan qarajatynyń 50 paıyzyna deıin alady», - dedi mınıstr.

Budan buryn habarlanǵandaı, 2021 jyldyń 1 qańtarynan bastap Qazaqstan azamattary Biryńǵaı jınaqtaýshy zeınetaqy qoryndaǵy jınaqtarynyń bir bóligin paıdalana alady.

Osyǵan oraı QR Eńbek jáne halyqty áleýmettik qorǵaý mınıstrligi el azamattarynyń zeınetaqy jınaqtaryn paıdalaný úshin «jetkiliktilik shegin» jarııalady.


Joǵary qaraı