Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bishkekte Jambyldyń qyrǵyz tiline aýdarylǵan shyǵarmalarynyń tanystyrylymy ótti

2021 jyldyń 30 tamyz 2021 21:36

NUR-SULTAN. QazAqparat - 2021 jyldyń 30 tamyzy kúni Bishkek qalasynda Halyqaralyq Túrki akademııasynyń uıymdastyrýymen jyr alyby Jambyl Jabaevtyń 175 jyldyq mereıtoıyna jáne Qyrǵyz Respýblıkasy táýelsizdiginiń 30 jyldyǵyna oraı arnaıy ǵylymı konferentsııa ótti, dep habarlaıdy QazAqparat.

Manas jáne Sh. Aıtmanov ulttyq akademııasynda ótken basqosýǵa Halyqaralyq Túrki akademııasynyń prezıdenti Darhan Qydyráli, Qazaqstan Respýblıkasy Mádenıet jáne sport mınıstrligi Mádenıet komıtetiniń tóraǵasy Aqan Ábdýalıev, Qyrǵyz Respýblıkasy Manas jáne Sh.Aıtmatov ulttyq akademııasy prezıdenti Topchýbek Týrgýnalıev, Qyrǵyz Respýblıkasynyń Ulttyq jazýshylar odaǵynyń tóraǵasy Nurlanbek Kalybekov, Qazaqstan Jazýshylar Odaǵynyń tóraǵasy Ulyqbek Esdáýlet, M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, sonymen birge birqatar qazaq-qyrǵyz zııaly qaýymynyń ókilderi qatysty.

«Jambyl – qazaq pen qyrǵyzǵa ortaq tulǵa. «Súıegim – qazaq, etim – qyrǵyz» dep aıtatyn aqynnyń qońsy qonǵan qyrǵyz halqyna degen rııasyz kóńili anyq ańǵarylady. Alataýdyń abyzy osy qyrynan da túrki birligine qyzmet etkeni barshaǵa ǵıbrat», ̶ dedi Akademııa basshysy alqaly jıynda.




Konferentsııa barysynda Jambyldyń qyrǵyz tiline aýdarylǵan tańdamaly shyǵarmalary («Jambyl Jabaev. Tandalgan chygarmalar») kópshilik nazaryna usynyldy. Qundy eńbekti qyrǵyz tiline belgili ádebıettanýshylar - Kerımbek Kadyrakýnov pen Túgólbaı Kazakov tárjimalaǵan.

Sonymen qatar, kórnekti memleket qaıratkeri, belgili jazýshy Kanybek Imanalıevtiń «Tagaı bıı (Mýhammed Kyrgyz)» atty tarıhı povesiniń tusaýkeseri ótti. Atalǵan eńbek HVI ǵasyrda jasap, qyrǵyz eliniń basyn biriktirip, el bolýǵa negiz qalaǵan Taǵaı bıdiń ómirine arnalǵan.

Taǵylymdy shara qazaq jáne qyrǵyz aqyndarynyń qatysýymen ótetin HІV halyqaralyq alaman aıtysqa ulasty.





Joǵary qaraı