Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bitimger kúshterdiń áleýetin nyǵaıtý – UQShU qyzmetiniń taǵy bir ózekti mindeti - Qasym-Jomart Toqaev

2022 jyldyń 16 mamyr 2022 17:48

MÁSKEÝ. QazAqparat - Memleket basshysy Qasym-Jomart Toqaev Máskeýde ótip jatqan UQShU sammıtinde sóz sóıledi. Prezıdent óz sózinde halyqaralyq terrorızm men ekstremızmge, zańsyz esirtki jáne qarý-jaraq aınalymyna, kóshi-qonǵa, sonyń ishinde Aýǵanstandaǵy ahýaldyń órshýine qarsy is-qımyl máselelerine erekshe nazar aýdardy, dep habarlaıdy QazAqparat.

– Aýǵanstandaǵy jaǵdaı, sondaı-aq osy eldiń aýmaǵyndaǵy qarýly toptardyń belsendi áreketi memleketterimizdiń qaýipsizdigi men turaqtylyǵyna qater tóndirip otyr. UQShU barlyq yqtımal qaýip-qaterlerdi eskerip, Ortalyq Azııanyń ońtústik shekaralarynyń qaýipsizdigin qamtamasyz etýge kóbirek kóńil bólýi kerek dep esepteımin, – dedi Qazaqstan Prezıdenti.

Qasym-Jomart Toqaev UQShU bitimgershilik kúshteriniń áleýetin nyǵaıtý Uıym qyzmetiniń taǵy bir ózekti mindeti ekenin aıtty.

– Bizdiń oıymyzsha, qazirdiń ózinde UQShU-ny BUU-nyń bitimgershilik qyzmetimen baılanystyrý mindetin kún tártibine qoıý qajet. Bul qadam Ujymdyq qaýipsizdik sharty uıymynyń sýbekt retindegi quqyǵyn nyǵaıtady. Sondaı-aq Uıymnyń beıbitshilikti saqtaý jónindegi halyqaralyq bitimgershilik operatsııalarǵa qatysý tájirıbesin qamtamasyz etedi, – dedi Memleket basshysy.

Kezdesý qorytyndysy boıynsha UQShU-ǵa múshe memleketterdiń basshylary Ujymdyq qaýipsizdik keńesiniń mereıtoılyq málimdemesin qabyldady.

Sodan keıin sammıt qatysýshylary jıyn jumysyn tańǵy as formatynda jalǵastyrdy.


Joǵary qaraı