Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Bıtkoın baǵasy taǵy da qymbattady

2021 jyldyń 22 aqpan 2021 08:26

NUR-SULTAN. QazAqparat – Bıtkoın baǵasy saýda sessııasy kezinde 1,97%-ǵa, 58,1 myń dollarǵa qymbattady. Buǵan Coindesk portalynyń málimetteri dálel, dep habarlaıdy QazAqparat.

Osylaısha krıptovalıýta baǵasy tarıhı maksımýmdy jańartyp otyr.

Aıta ketsek, bıylǵy jyldyń 9 aqpanynda bıtkoınnyń baǵasy $ 47 000 dollardan asyp, tarıhı maksımýmǵa jetken edi. Odan keıin 50 myń dollardan asty.

Álemdegi eń kóp taralǵan krıptovalıýta baǵasynyń ósýi Tesla kompanııasynyń jalpy somasy $1,5 mıllıard bolatyn Bıtkoındi satyp alýyna baılanysty delinedi. Ony kompanııa usynatyn qyzmetter úshin tólem retinde paıdalanýǵa nıetti.

Bıtkoın – kez kelgen qoldanýshy, júıe qatysýshysy «óndire» (aınalysqa shyǵara) alatyn blokcheın tehnologııasy negizindegi ózi attas krıptovalıýtanyń ortalyqsyzdandyrylǵan júıesi.

Júıe kontseptsııasyn 2008 jyldyń qarashasynda onyń avtory (múmkin avtorlar ujymy) Satosı Nakamoto jarııalady. Bıtkoınnyń tanymaldylyǵy keıingi jyldary artty. Bıtkoınnyń emıssııasy tabıǵı jolmen shektelgen, qazirgi kúni bıtkoınnyń bir bóligi «óndirilgen».


Basty sózder: Álem,
Joǵary qaraı