Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl 114 turmystyq qatty qaldyqtar polıgony tekseriledi

2022 jyldyń 20 mamyr 2022 13:34

NUR-SULTAN. QazAqparat – 2022 jyldyń 2-jartyjyldyǵynda 114 turmystyq qatty qaldyqtar polıgony tekseriledi. Bul jaıynda Májilis depýtattarynyń saýalyna QR Úkimet basshysynyń birinshi orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Turmystyq qatty qaldyqtar polıgony jylyna 1 ret tekserý jıiligimen epıdemııalyq mańyzdylyǵy joǵary nysandarǵa jatady. 2022 jyldyń ekinshi jartyjyldyǵynda 114 polıgondy tekserý josparlanǵan. Polıgondarǵa qoıylatyn talaptardy saqtaý aıasynda Ekologııa mınıstrligi 2021 jyly 43 tekserý júrgizdi. Onyń nátıjeleri boıynsha jalpy somasy 8,9 mln teńgege 73 ákimshilik aıyppul salyndy», - dep atap ótedi Roman Sklıar.

Onyń dereginshe, búginde Qazaqstanda 3 005 qatty turmystyq qaldyqtar polıgony bar. Olardyń 635-i nemese 21 paıyz ekologııalyq jáne sanıtarııalyq normalarǵa sáıkes keledi. 2021 jyly bul kórsetkish 603-ti quraǵan.

«Ekologııalyq jáne sanıtarııalyq normalarǵa sáıkes keletin polıgondardyń eń az úlesi Pavlodar oblysynda – 4 (polıgondardyń jalpy sanynyń 1,25 paıyzy), Batys Qazaqstan oblysynda – 2 (1,36%) jáne Soltústik Qazaqstan oblysynda – 16 polıgon (3,51 %) baıqalady. Densaýlyq saqtaý mınıstrligi 2021 jyly 8 polıgonnyń qyzmetin tekserdi. 7 nysanda buzýshylyqtar anyqtaldy. Jalpy somasy 1 137 630 teńgege ákimshilik aıyppuldar saldy. Tekserýlermen qamtýdyń tómendigi karantındik jáne shekteý is-sharalaryna baılanysty», - dep atap ótedi Premer-Mınıstrdiń birinshi orynbasary.


Avtor Marlan Jıembaı
Basty sózder: Ekologııa, Parlament, Senat,
Joǵary qaraı