Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl 20 aýylda ambýlatorııalyq-emhanalyq uıym ashylady

2022 jyldyń 18 mamyr 2022 12:42

NUR-SULTAN. QazAqparat – Bıyl 20 aýylda ambýlatorııalyq-emhanalyq uıym ashylady. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Memleket basshysy densaýlyq saqtaý ınfraqurylymyn damytýǵa erekshe kóńil bóledi. Máselen, Prezıdent tapsyrmasy boıynsha tirek jáne spýtnıktik eldi mekenderdi dárigerlik ambýlatorııalarmen jáne feldsherlik-akýsherlik pýnkttermen qamtamasyz etý úshin túgendeý júrgizilip, 69 aýylda ambýlatorııalyq-emhanalyq uıymdar ashý qajettiligi aıqyndaldy. Byltyr 12 nysan paıdalanýǵa berilgen bolatyn. Bıyl 20 nysan ashý josparlanýda. Kelesi jyly 37 nysan ashý kózdelip otyr otyr», - dedi ol Ortalyq kommýnıkatsııalar qyzmetinde ótken baspasóz máslıhatynda.

Mınıstrdiń dereginshe, 2025 jylǵa qaraı 500 medıtsınalyq-sanıtarııalyq alǵashqy kómek nysan qurylysy josparlanǵan. Bul jumystar qazirgi ýaqytta júrgizilip jatyr.

«Sonymen qatar barlyq densaýlyq saqtaý uıymdaryna, onyń ishinde bosandyrý jáne reanımatsııa qyzmetterine medıtsınalyq jabdyqtarmen, dárilik zattarmen jáne medıtsınalyq buıymdarmen qamtamasyz etý boıynsha tekserý júrgizildi. Ol boıynsha osy jyldary medıtsınalyq tehnıka satyp alýdy qarjylandyrý máselesi qarastyrylyp, bul jumys boıynsha da barlyq aýrýhanalar kerekti qural-jabdyqtarmen qamtamasyz etiledi», - dedi Ajar Ǵınııat.


Joǵary qaraı