Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl 20 mln tonnaǵa jýyq kómir eksportqa shyǵarylady

2021 jyldyń 28 qyrkúıek 2021 17:10

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi ındýstrııalyq damý komıtetiniń qara metallýrgııa basqarmasynyń basshysy Janat Igisinov qoımalarda qansha kómir qalǵanyn aıtty, dep habarlaıdy QazAqparat tilshisi.

«Bıylǵy qańtar-tamyz aralyǵynda 69,2 mln tonna kómir óndirildi. Bul jerde kómir kontsentratyn qosyp otyrǵan joqpyz. Ótken jyldyń tıisti kezeńimen salystyrǵanda 100,1 paıyzdy quraıdy. Byltyr osy aralyqta 69 mln tonna óndirilgen bolatyn. Operatıvti derekter boıynsha, energııa óndirýshi kásiporyndarǵa 39,1 mln tonna kómir jóneltildi. Bul - byltyrǵy kezeńmen salystyrǵanda 4,5 paıyz kóp. Ónerkásip kásiporyndarynda 4,2 mln tonna, kommýnaldyq-turmystyq qajettilikterge jáne halyqqa 5 mln tonna kómir jóneltildi. Eksport 19,4 mln tonnany qurady», - dedi ol ortalyq kommýnıkatsııalar qyzmetinde ótken brıfıngide.

Onyń aıtýnysha, qoımadaǵy kómirdiń qazirgi qory - shamamen 1,5 mln tonna bolady.

«Pavlodar, Qaraǵandy jáne Shyǵys Qazaqstan oblystarynda iri kómir óndirýshi kompanııalarda óndiristiń ósimi baıqalady. Mysaly, «Bogatyr» kómir kenishinde 4,5 paıyz ósim bar. «Shubarkól» kómir kompanııasynda - 9,5 paıyz, «Qarajyra» kompanııasynda - 7,4 paıyz ósim bar», - dedi mınıstrlik ókili.


Joǵary qaraı