Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl 480 aýyldyń damýyna 105 mlrd teńge jumsalady – Áset Erǵalıev

2021 jyldyń 20 sáýir 2021 10:30

NUR-SULTAN. QazAqparat – Bıyl 480 aýyldyń damýyna 105 mlrd teńge jumsalady. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

Jalpy 6 316 aýyldyń ishinen damý áleýeti bar 3,5 myń aýyl irikteldi. Onda aýyl turǵyndarynyń 88 paıyzy turady. Atalǵan aýyldar demografııalyq kórsetkishterge, ekonomıkalyq belsendilikke, ınfraqurylymnyń jaı-kúıine qaraı irikteldi. Bul aýyldardy damytý «Aýyl-El besigi» jobasy aıasynda birinshi kezekte júzege asyrylatyn bolady», - dedi ol.

Mınıstrdiń aıtýynsha, aýyl turǵyndarynyń ómir súrý deńgeıin arttyrý úshin 2019 jyly ınfraqurylymdar men áleýmettik ıgilikterge qol jetimdiligi jóninde jańa óńirlik standarttar ázirlenip, bekitildi.

«Aýyldyq eldi mekenderdiń nysandarmen qamtamasyz etilýi 2020 jyly respýblıka boıynsha 60,3 paıyzdy qurady. Eń joǵary kórsetkishter Pavlodar, Mańǵystaý, Soltústik Qazaqstan oblystarynda baıqalady. Bıyl «Aýyl – El besigi» jobasy aıasynda 1,3 mln adam turatyn 480 aýyldyń damýyna 105 mlrd teńge baǵyttaý josparlanýda. Bul óz kezeginde kólik jáne áleýmettik ınfraqurylym, sonymen qatar turǵyn-úı kommýnaldyq sharýashylyǵyn damytýǵa arnalǵan 1 myńnan astam jobany iske asyrýǵa múmkindik beredi», - dedi Áset Erǵalıev.


Joǵary qaraı