Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl 8 óńirde Shoqyný merekesinde sýǵa túsýge tyıym salyndy

2021 jyldyń 18 qańtar 2021 15:44

NUR-SULTAN. QazAqparat - Tótenshe jaǵdaılar mınıstrligi Shoqyný merekesi kezindegi qaýipsizdik erejelerin eske salady, dep habarlaıdy QazAqparat.

19 qańtar kúni elimizde Shoqyný hrıstıan merekesiniń atap ótilýine baılanysty el azamattary shomylý rásimine qatysady.

«Bıyl eldegi epıdemıologııalyq jaǵdaıǵa baılanysty 8 óńirde sýǵa týsý rásimi ótpeıtin boldy. Nur-Sultan qalasy, Almaty, Jambyl, Qaraǵandy, Qostanaı, Qyzylorda, Mańǵystaý jáne Pavlodar oblystarynda sýǵa shomylý rásimi ótpeıdi», - deıdi TJM resmı ókili Talǵat Ýálı.

Qalǵan óńirlerde sý aıdyndarynda sýǵa shomylýǵa arnalǵan arnaıy oryndar belgilendi.

Shomylý oryndarynyń sany - 106.

Oıyqtardyń ornalasqan jeri týraly aqparatty jergilikti atqarýshy organdar men TJ departamentterinen alýǵa bolady.

Belgilengen arnaıy oryndarda TJM aýmaqtyq bólimsheleri jergilikti atqarýshy organdarmen, jergilikti polıtsııa qyzmetimen jáne basqa qyzmettermen birlesip qaýipsizdikti qamtamasyz etý jáne karantındi saqtaý boıynsha kezekshilik uıymdastyrylady.

Shoqyný merekesi kezinde sýǵa shomylýdy josparlap otyrǵan adamdar myna qaǵıdalardy saqtaýǵa tıis:

- tek arnaıy jabdyqtalǵan oryndarda ǵana sýǵa túsý qajet;

- oıyqqa kirer aldynda deneni jylytyp, jattyǵý jasap, júgirý kerek;

- qaýipsizdik úshin oıyqqa kirer aldynda rezeńke aıaq kıim nemese shulyq kııý kerek;

- sýǵa súńgý aldynda tereń dem alyp, demińizdi ustap turyp sýǵa kirý;

- sýǵa sekirý jáne baspen sýǵa kirýge bolmaıdy, adam aǵzasy sýyqtan shok alýy múmkin;

- aǵzańyz tońbaý úshin muz oıyǵynda 1 mınýttan artyq bolmańyz.

- balamen kelgen jaǵdaıda, bala shomylý kezinde ony qadaǵalaý qajet.

- sýdan shyqqan sátte sizdi oramal men jamylǵyshpen bireý qarsy alǵany durys.

- sýdan shyqqan kezde ózińizdiń jáne balanyń denesin oramalmen ysqylap súrtken jón, qurǵaq kıim kııý qajet.

- sýǵa túskennen keıin profılaktıka úshin dárilik shópten, jıdekten nemese jemisten jasalǵan ystyq shaı ishý qajet.

Budan basqa, el azamattary qys kezinde sý aıdynynda mynadaı qaýipsizdik qaǵıdalaryn saqtaýy kerek:

- túngi ýaqytta jáne kórinýi nashar bolǵan kezde muz ústine shyǵýǵa bolmaıdy;

- muzdyń juqa jáne bekimegen ýchaskelerine shyǵýǵa bolmaıdy;

- muzdyń jekelegen ýchaskelerinde toppen jınalýǵa bolmaıdy;

- muzdaǵy jyrmalarǵa, jaryqtarǵa, oıyqtarǵa jaqyndaýǵa bolmaıdy; avtomobıldermen ótkelderden tys jerlerge shyǵýǵa bolmaıdyi.

Balyq aýlaýshylarǵa jeke qutqarý quraldary bolǵanda muz astynan balyq aýlaýǵa ruqsat etiledi.


Joǵary qaraı