Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Aqtaýda sý sorǵy jabdyqtaryn daıyndaıtyn zaýyt salynady

2021 jyldyń 15 mamyr 2021 19:39

AQTAÝ. QazAqparat - Bıyl Aqtaýda sý sorǵy jabdyqtaryn daıyndaıtyn zaýyt salynady, dep habarlaıdy QazAqparat tilshisi. Búgin oblys ákimi S.Trumov «Aqtaý teńiz porty» ekonomıkalyq aýmaǵynda salynatyn zaýyttyń jobasymen tanysty.

Kásiporyn munaı óndirisine qajetti qubyrlar shyǵarady. Joba quny – 14,2 mlrd teńge. Kásiporyn iske qosylǵanda jylyna 120 myń dana sorǵy shtangileri men oǵan qajetti 150 myń mýftalar óndirilmek. Al shyǵarylǵan ónimniń 50% ishki naryqta qalyp, qalǵan 50 % eksportqa shyǵarylady dep josparlanyp otyr. Turaqty 200 jańa jumys orny ashylady. Sý sorǵy jabdyqtaryn daıyndaıtyn zaýyt bıylǵy maýsym aıynda bastalyp, 2022 jyly paıdalanýǵa beriledi.

Sonymen qatar, óńir basshysyna «Aqtaý teńiz porty» AEA №1 sýbaımaǵynda salynatyn taǵy bir jańa zaýyttyń jobasy tanystyryldy. Investıtsııalyq joba munaı óndirisine qajetti hımıalyq qospalar shyǵarady. Zaýyt iske qosylǵanda elimizde balamasy joq 20-dan astam hımııa qospalaryn shyǵaratyn biregeı kásiporyn bolmaq. Zaýyt jylyna 8000 tonna benzalkonıı hlorıdi, polıakrıl qyshqyly , korrozııa ıngıbıtory kontsentratyn shyǵarady. Turaqty 40 adam jumyspen qamtylady. Joba quny – 1,7 mlrd teńge. 30 % kompanııanyń jeke esebinen qarjylandyrylsa, qalǵan 70 % otandyq ınvestorlardyń esebinen salynady. Joba qurylysy 2021 jyly bastalyp, 2023 jyly aıaqtalady dep josparlanyp otyr.


Joǵary qaraı