Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Almaty oblysynda jemqorlyq jasaǵan 70 memqyzmetshi sottaldy

2021 jyldyń 5 qazan 2021 16:47

TALDYQORǴAN. QazAqparat - Bıyl Almaty oblysynda jemqorlyq jasaǵan 70 sheneýnik sottaldy. Bul jóninde Almaty oblysy boıynsha Sybaılas jemqorlyqqa qarsy qyzmetiniń basshysy Ernar Maqajanov Facebook-tegi jeke paraqshasynda óńir turǵyndaryna bergen esebinde málim etti, dep habarlaıdy QazAqparat tilshisi.

Vedomstvo basshysy 2021 jyldyń 9 aıyndaǵy preventsııa jáne jedel-tergeý baǵyty boıynsha jumys nátıjelerin jetkizdi.

«Jyl basynan beri 87 qylmystyq quqyq buzýshylyq tirkeldi, onyń 72,4% astamy nemese 63-i qylmystyq sybaılas jemqorlyq bolyp tabylady. 155 adam qylmystyq jaýapkershilikke tartyldy, onyń ishinde 20 adam ártúrli deńgeıdegi birinshi basshylar (oblystyq – 6, qalalyq -4, aýdandyq – 9, aýyldyq - 1). 70 adam sottaldy, onyń ishinde 65 adam 119 mln teńgeden astam somaǵa aıyppulǵa, 2 adam bas bostandyǵyn shekteýge, 3 adam bas bostandyǵynan aıyrýǵa, múlki tárkilenip jáne memlekettik qyzmette laýazym atqarý quqyǵynan ómir boıyna aıyra otyryp sottaldy», - dep jazdy E.Maqajanov.

Departament basshysynyń aqparatyna sáıkes, baqylaýshy organdardyń laýazymdy tulǵalary tarapynan kásipkerlik qyzmetke zańsyz aralasýdyń 11 faktisi anyqtaldy (26 qylmys), 35 laýazymdy tulǵa qylmystyq jaýapkershilikke tartyldy, 22 kásipkerlik sýbektisiniń quqyqtary qorǵaldy.

«Іs júrgizýmen aıaqtalǵan qylmystyq ister boıynsha keltirilgen zalal somasy 3,8 mlrd teńgeni (3 850 843 791 teńge) qurady, onyń 97,2% nemese 3,7 mlrd teńgesi (3 742 332 191 teńge) óteldi», - dep tolyqtyrdy Almaty oblysy boıynsha Sybaılas jemqorlyqqa qarsy qyzmetiniń basshysy.

Sonymen qatar Ernar Maqajanov oblys turǵyndaryn sybaılas jemqorlyq faktileri týraly onyń jeke akkaýnttaryna, sondaı-aq sybaılas jemqorlyqqa qarsy qyzmettiń 1424 senim telefonyna habarlaýǵa shaqyrdy.


Joǵary qaraı