Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Almaty oblysynyń turǵyndarynan 92 mıllıon teńgege jýyq aıyppul óndirildi

2020 jyldyń 25 shilde 2020 02:30

TALDYQORǴAN.QazAqparat - Almaty oblysynyń tártip saqshylary alty aı ishinde syrtqy beınebaqylaý kameralarynyń kómegimen 48 219 quqyq buzýshylyqty anyqtaǵan. Al bıyl óńir turǵyndarynan 92 mıllıonǵa jýyq ákimshilik aıyppul óndirilgen, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, tirkelgen tártip buzý deregi boıynsha ákimshilik hattamalar toltyrylyp, quqyq buzýshylardyń mekenjaıyna joldandy.

«Oblystaǵy beınebaqylaý kameralary «Avtoýragan», «Krıs-P» jáne «Integra» júıelerinde jumys isteıdi. Beınebaqylaý kameralary tirkegen quqyqbuzýshylyq avtomatty túrde óńdelip, oblystyq Ákimshilik polıtsııa qyzmetkerleri tarapynan quqyq buzýshyǵa ákimshilik aıyppuldy tóleý týraly habar beriledi nemese poshta jelisi arqyly mekenjaıyna hat joldanady»,- dedi oblystyq PD Ákimshilk polıtsııa basqarmasy bastyǵynyń orynbasary polıtsııa polkovnıgi Nurjan Tańatarov.

Sonymen qatar, qazirgi ýaqytta jańa júıe negizinde aıyppul tóleýshige aqparatty polıtseıler emes, poshta qyzmetkerleri jetkizedi. Biriktirilgen júıe boıynsha tártip buzýshylyq týraly aqparatty poshta qyzmetkerleri Ákimshilik polıtsııa basqarmasynan elektrondyq nusqada alady.

Polıtseılerdiń aqparaty boıynsha, Almaty oblysy aýmaǵynda 270 beınekamera jol jáne qoǵamdyq tártipti qamtamasyz etýde. Beınekameralardyń táýlik boıy túsirgen jazbalary óńdelip, quqyq buzýshylyqtardy anyqtaýǵa jáne qylmystardy tezirek ashýǵa múmkindik beredi. Sondyqtan, polıtseıler keleshekte zanamaýı talaptarǵa saı beınebaqylaý kameralaryn ornatýdy josparlaýda.

«Bıyl oblys turǵyndarynan 92 mıllıonǵa jýyq ákimshilik aıyppul óndirildi. Quqyq buzýshy qoldanystaǵy zańnamaǵa sáıkes aıyppul salynǵany týraly aqparatty alǵan kúnnen keıin 7 kún ishinde aıyppul somasynyń jartysyn tóleı alady. Nemese, 1 aı merzimde tolyq óteýi tıis. Ákimshilik aıyppul bir aı merzimde erikti túrde tólenbese, tártip saqshylary ony jeke sot oryndaýshylary arqyly májbúrli túrde óndirýge quqyly»,- dep tolyqtyrdy polıtsııa polkovnıgi Nurjan Tańatarov.


Avtor Samal Qabysheva
Basty sózder: Almaty oblysy, Zań,
Joǵary qaraı