Aýa raıy
Astana -1 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Atyraýda 5 jumysshy mert bolyp, 7-eýi aýyr jaraqat alǵan

2020 jyldyń 27 qyrkúıek 2020 17:18

ATYRAÝ. QazAqparat –Atyraý oblysynda jyl basynan beri 5 jumysshy qaza taýyp, 7-eýi aýyr jaraqat alǵan , dep habarlaıdy QazAqparat.

Oblystyq memlekettik eńbek ınspektsııasynyń basshysy Igilik Áýbákirovtiń málimetinshe, jyl basynan beri azamattardan 762 shaǵym túsken. Onyń 726-sy qaralyp, 313 azamattyń eńbek quqyǵy qorǵalǵan.

«Eńbek ınspektorlarynyń jumys berýshilermen yntymaqtasa áreket etýiniń nátıjesinde 27 jumysshynyń 3,2 mln teńge jalaqysy óndirilip, jumyskerlermen eńbek sharttary

jasaqtaldy. Al, shaǵymdar negizinde, sondaı-aq, josparly túrde 80 tekserý júrgizildi.

Sonyń nátıjesinde eńbek zańnamasyn buzýdyń 135 deregi anyqtaldy. Atalǵan

zańsyzdyqtardy joıý úshin 67 uıǵarym engizilip, 39 ákimshilik hattama toltyryldy. Zań talabyn buzýshylarǵa 14,2 mln teńge aıyppul salyndy. Aıyppuldyń 4,9 mln teńgesi óndirildi» -dedi Igilik Áýbákirov.

Onyń aıtýynsha, óndiristik jumystyń jetkiliksiz uıymdastyrylýy, jaramsyz kólikter men qondyrǵylardyń paıdalanylýy men qaýipsizdik erejeleriniń saqtalmaýynan jumys

oryndarynda jazataıym oqıǵalar oryn alǵan.

«Jyl basynan beri osyndaı jaǵdaılardyń saldarynan 5 jumysshy qaza boldy. Al, 7 jumysshy aýyr dene jaraqatyn aldy. Osy derekke qatysty arnaıy tergeý qujattary quqyq qorǵaý organdaryna joldandy. Demalys kúnderi jasaǵan jumystary úshin

eńbekaqy tólemegen birqatar mekeme anyqtaldy», -dedi oblystyq memlekettik eńbek ınspektsııasynyń basshysy Igilik Áýbákirov.

Eske sala ketelik, budan buryn Atyraýda 8 aıda jol apatynan 39 adam mert bolǵan edi.



Avtor Bek Mustafa
Basty sózder: Qoǵam, Oqıǵa, Atyraý oblysy,
Joǵary qaraı