Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl aýyl mektepteri 515 avtobýspen qamtylady

2022 jyldyń 17 mamyr 2022 16:36

NUR-SULTAN. QazAqparat - Balalar jyly aıasynda aýyl mektepteriniń parki 515 avtobýspen jańartylady, dep habarlaıdy QazAqparat.

Bilim jáne ǵylym mınıstrliginiń málimetinshe, bul balalardy mektepke jáne úılerine qaýipsiz tasymaldaýdy qamtamasyz etýge múmkindik beredi. Ásirese, mektepteri joq shalǵaıdaǵy halqy az aýyldarda turatyn balalar avtobýspen qamtamasyz etiledi.

«Balalardy avtobýspen qamtamasyz etý úshin qarjylandyrý ákimdikterge bólinedi. Mınıstrlik mektep avtobýstarymen qamtamasyz etý máselesin birneshe ret kótergen bolatyn. Bıyl óńirler mektepterin balalardy tasymaldaýǵa arnalǵan jańa kóliktermen qamtamasyz etý máselesi respýblıkalyq deńgeıde sheshilip, jańa avtobýstar alýǵa qarjy bólinip jatyr. Sondaı-aq bilim berý uıymdaryn avtobýstarmen odan ári jabdyqtaý úshin Jol kartasy ázirlendi. Búgingi tańda 25 myńnan astam oqýshy kólikke muqtaj. Sondaı-aq mektep avtobýstaryna joǵary qajettilik Túrkistan, Aqmola, Batys Qazaqstan, Almaty, Pavlodar jáne basqa da oblystarda baıqalady», - dep jazdy vedomstvodan.

Qazirgi kúni barlyǵy 1 000-nan astam mektep avtobýsy qatynaıdy. Qarjylyq lızıng baǵdarlamasy boıynsha jeńildetilgen sharttarmen elimizde qurastyrylǵan jańa avtobýstar satyp alynady. Bul tetik el mektepteriniń barlyq avtobýs parkin kezeń-kezeńimen jańartýǵa múmkindik beredi.

«Balalardy tasymaldaýda barynsha qaýipsizdikti qamtamasyz etý maqsatynda mınıstrlik satyp alynatyn kólikterge qoıylatyn tehnıkalyq talaptardy ázirlep, belgiledi. Bul 20-40 jergilikti avtobýs bolýy kerek, sebebi aýyldarda kóbine jol joq. Onymen qosa, kólikter qaýipsizdik beldikteri bar balalar oryndyqtarymen, salonda balalardy qaldyrýdy boldyrmaıtyn júıemen, kabınanyń artqy jaǵyndaǵy avarııalyq shyǵýmen jabdyqtalýy kerek. Sonymen qatar balalardy mektep avtobýsymen tasymaldaý kezinde mektep dırektorynyń buıryǵymen bekitilgen arnaıy qyzmetker alyp júrýi qajet», - dep tolyqtyrylǵan habarlama.


Joǵary qaraı