Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl bilim berý granttarynyń negizgi bóligi qaı salaǵa baǵyttalady

2022 jyldyń 24 qańtar 2022 16:56

NUR-SULTAN. QazAqparat – Bıyl Qazaqstandaǵy JOO-larda oqýǵa arnalǵan bilim granttarynyń sany taǵy 5 myńǵa artady. Osylaısha, granttardyń jalpy sany 61 myńnan asty. Jańa granttar stýdentter arasynda suranysqa ıe jáne ózekti mamandyqtarǵa bólinetin bolady. Sondaı-aq bilim berý granttaryn bólý kezinde azamattardyń áleýmettik osal sanattary úshin kvotalar kózdelgen. Osy oraıda memlekettik granttar jaıly QazAqparat agenttigine QR BǴM Joǵary jáne joǵary oqý ornynan keıingi bilim departamentiniń basqarma basshysy Janna Esınbaeva aıtyp berdi.

- Jaqynda bilim granttarynyń sany artatyny jaıynda habarlaǵan edi. Osy oraıda bul granttar qaı salalarǵa baǵyttalady?

- QR Prezıdentiniń tapsyrmasyna sáıkes, elimizde memlekettik bilim berý tapsyrysynyń kólemin ulǵaıtý josparlanǵan. 2022-2023 jańa oqý jylyna grant sany 5 myńǵa artatyn bolady. Osy oraıda jalpy kólemi 61 myń granttan asady. Eger 2021 jyly bizde 56 561 grant bólinse, bıyl 61 myńnan astam grant bólinedi dep josparlanǵan.

Buǵan qarajat kózi Respýblıkalyq bıýdjetten qarastyrylady. Bul turǵyda Respýbıkalyq bıýdjetten qarajat bólý máselesi boıynsha barlyq jumystar aıaqtaldy, ıaǵnı bul qadamdar oryndalady. Sáıkesinshe, tıisti qaýly shyǵarylady.

Bul rette aıta ketý kerek, biz memlekettik bilim berý tapsyrysynyń basym bóligin tehnıkalyq mamandyqtarǵa bólýdi josparlap otyrmyz. Osyǵan deıin shamamen tehnıkalyq mamandyqtarǵa bólinetin grant sanynyń úlesi 40 paıyzdan asatyn bolsa, qazir onyń kólemin 60 paıyzǵa jetkizýdi josparlap otyrmyz.

Memlekettik bilim berý tapsyrysyn qalyptastyrý barysynda biz Eńbek jáne halyqty áleýmettik qorǵaý mınıstrligimen birlese jumystardy atqaramyz. Sebebi Eńbek mınıstrligi qaı salada qandaı mamandyqtar tapshy ekenin saraptap kórsetip beredi. Osyny jáne «Atameken» palatasynyń, respýblıkalyq komıssııanyń usynysyn eskere otyryp, bekitetin bolamyz.

- Memlekettik grantqa úmitker retinde jylyna ortasha eseppen qansha talapker qujat tapsyrady?

- Shamamen 77 myńnan astamy konkýrsqa qatysady. Bizde konkýrsy joǵary mamandyqtar bolady. Osy oraıda konkýrsy joǵary mamandyqtardyń qataryna ekonomıkalyq sala kirip otyr. Sodan keıin medıtsınalyq mamandyqtarǵa, shet tili baǵyttarynda konkýrs joǵary bolyp keledi. ıAǵnı úmitkerler sany kóbirek bolady da, grantqa ilikpeı qalǵan bala sany kóp kezdesedi. Al konkýrsy azdaý byǵytta aýyl sharýashylyǵy mamandyqtary enip otyr. Bul salada shekti upaı jınaǵandarda grantty ıelený múmkindigi óte joǵary.

- Tehıkalyq mamandyqtarǵa suranysty qalaı baǵalar edińiz?

- Jalpy, tehnıkalyq kásipterge, onyń ishinde ІT-salaǵa, ınjenerlik mamandyqtarǵa keletin bala sany óte kóp. Osy oraıda memlekettik grant aıasyndaǵy konkýrs jaqsy deńgeıde.

Mektep bitiretin túlekterdiń jalpy sany 2024-2025 jyldarǵa deıin ósedi degen málimetter aıtylyp jatyr. Túlekter sany 180-190 myńǵa deıin jetýi múmkin. Olardyń basym bóligi UBT tapsyrýǵa keledi. Sondyqtan bul balalardyń eleýli bóligi tehnıkalyq mamandyqtardy tańdaıdy.

- Memlekettik granttar aıasynda qandaı kvotalar eskerilgen?

- Atalǵan 5 myń grant jalpy memlekettik bilim berý tapsyrysyna qosylady. Endi sol 61 myńnan astam granttyń arasynda áleýmettik osal toptardaǵy azamattar úshin arnaıy kvotalar qarastyrylǵan. Jetim balalarǵa 1 paıyz kvota úlestiremiz, múgedektigi bar jandarǵa 1 paıyz, sondaı-aq qandastarǵa 4 paıyz qarastyrylǵan. 30 paıyzy aýyldan kelgen balalar úshin eskerilgen, 10 paıyzy «Serpin» baǵdarlamasy boıynsha júzege asyrylady.

2021 jyly jańadan úsh kvota qosyldy. Bilim jáne ǵylym mınıstrligi Prezıdenttiń tapsyrmasy boıynsha halyqtyń áleýmettik osal toptarynan shyqqan balalardyń memleket esebinen bilim alýyna múmkindiktiń kóbirek bolýy úshin jumys júrgizdi.

Osy oraıda kópbalaly otbasylar úshin 5 paıyz kvota, tolyq emes otbasy mártebesi bar otbasylardan shyqqan balalarǵa – 1 paıyz,sondaı-aq múgedek balalardy tárbıelep otyrǵan otbasylardan shyqqan túlekterge 1 paıyz kovota beriledi.


Joǵary qaraı