Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl elimizde 1 mln-ǵa jýyq adam ataýly áleýmettik kómek alǵan

2021 jyldyń 19 qarasha 2021 09:48

NUR-SULTAN. QazAqparat - 1 qarashadaǵy jaǵdaı boıynsha 195,3 myń otbasyndaǵy 973,9 myń adamǵa ataýly áleýmettik kómek taǵaıyndaldy. Bıyl osy maqsatqa bıýdjetten 69,9 mlrd teńge bólingen, dep habarlaıdy QazAqparat.

AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilýde.

2021 jylǵy 1 qarashada AÁK alýshylar qataryndaǵy 1 jastan 6 jasqa deıingi 247,1 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.

Esterińizge sala keteıik, AÁK alýshylarǵa TJ tártibi men karantındik shekteý sharalarynyń qoldanylýyna baılanysty 2020 jylǵy II, III jáne IV toqsandarda, sondaı-aq 2021 jylǵy I, II toqsandarda kómek taǵaıyndaý uzartyldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.


Joǵary qaraı