Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl elorda aýmaǵynda 165 órt boldy

2021 jyldyń 2 naýryz 2021 16:18

NUR-SULTAN. QazAqparat – Nur-Cultan qalasy TJD Memlekettik órt baqylaý basqarmasynyń basshysy Erkin Otarǵalymuly qala aýmaǵynda órttiń negizgi sebepterin atady, dep habarlaıdy QazAqparat tilshisi.

Taratylǵan málimetke qaraǵanda, bıyl jyl basynan beri qala aýmaǵynda 165 órt boldy. Órtterdiń basym bóligi turǵyn úı sektorynda boldy - 71 oqıǵa nemese órtterdiń jalpy sanynyń 43 paıyzy, al órt oqıǵalarynyń 35 paıyzy jeke sektorǵa tıesili.

«Órttiń shyǵýynyń negizgi sebepterine toqtalsaq, jylytý peshterin paıdalaný kezinde tıisti erejeni saqtamaý, elektr jelileri men elektr qondyrǵylaryn paıdalaný kezinde órt qaýipsizdigi talaptaryn buzý bolyp sanalady», - dedi E. Otarǵalymuly onlaın brıfıngide.

Onyń aıtýynsha, 2020-2021 jyldary kezeńinde ótken jylý berý kezeńinde Nur-Sultan qalasynyń aýmaǵynda turǵyn úı sektorynda 220 órt boldy.

Bul turǵyda turǵyn úı sektoryndaǵy órtterdiń negizgi sebepteri:

- peshterdi ornatý jáne paıdalaný kezinde órt qaýipsizdigi erejelerin oryndamaý-107 jaǵdaı nemese turǵyn úı sektoryndaǵy órtterdiń jalpy sanynyń 48%;

- elektr jabdyqtaryn montajdaý jáne tehnıkalyq paıdalaný erejelerin buzý- 47 jaǵdaı nemese 21%;

- turmystyq elektr quraldaryn paıdalaný kezinde órt qaýipsizdigi erejelerin saqtamaý – 8 oqıǵa nemese 4,3 %;

- turǵyndardyń otty abaısyz paıdalanýy- 48 fakti nemese 11%.


Joǵary qaraı