Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl elordada ıesiz qalǵan 158 nysan anyqtaldy

2021 jyldyń 21 jeltoqsan 2021 14:38

NUR-SULTAN. QazAqparat – Jyl basynan beri Nur-Sultan qalasynda ıesiz, qaraýsyz qalǵan 158 nysan anyqtalyp, olar kommýnaldyq menshik retinde qaıta qabyldandy. Bul týraly qalalyq aktıvter jáne memlekettik satyp alý basqarmasynyń basshysy Ersin Ótebaev málim etti, dep habarlaıdy QazAqparat tilshisi.

«2019 jyldan bastap aýdan ákimderi jáne quzyrly basqarmalarmen birlesip elorda aýmaǵynda ıesiz qalǵan nysandardy anyqtaý, tirkeý jumysy jalǵasyp keledi. Ótken jyly jalpy somasy 2 mlrd 878 mln teńgeniń ıesiz qalǵan 680 nysan jáne 60 birlik transformatorlyq qosalqy stantsııasy kommýnaldyq menshikke qabyldandy. Bıyl 158 ıesiz nysan anyqtaldy. Onyń somasy 1,8 mlrd teńgeni quraıdy», - dedi - dedi Ersin Ótebaev qalalyq máslıhattyń qoǵamdyq keńesiniń otyrysynda.

Basqarma basshysynyń málimdeýinshe, sońǵy 2 jyldyń ishinde elorda aýmaǵynda qaraýsyz jatqan 886 nysan anyqtalyp, kommýnaldyq menshik retinde qabyldanypty.

«Atap aıtqanda, 180 shaqyrym elektrmen jabdyqtaý nysany, 34 shaqyrym sýmen jabdyqtaý, 90 shaqyrym káriz jelisi, 59 shaqyrym jylýmen jabdyqtaý jelisi jáne 2227 qudyq bar», - deıdi ol.

Buǵan deıin E.Ótebaev elorda irgesindegi «Jasyl beldreý» aýmaǵynda 890 151 túp aǵash otyrǵyzylǵanyn aıtqan edi.


Joǵary qaraı