Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl elordanyń aınalasyna 900 myńǵa jýyq kóshet otyrǵyzylady

2021 jyldyń 8 mamyr 2021 21:13

NUR-SULTAN. QazAqparat - Elordada jasyl jelekterdi kóktemgi otyrǵyzý jumysy júrgizilip jatyr. Kóshetter sanyn arttyrý jumysy Memleket basshysynyń Nur-Sultan mańynda jasyl beldeýdi ósirý týraly tapsyrmasy aıasynda júzege asyrylýda, dep habarlaıdy QazAqparat qala ákimdiginiń resmı saıtyna silteme jasap.

Bıyl «Astana ormany» JShS shamamen 840 ga alańǵa jańa kóshetter otyrǵyzýdy bastady.

«Bıyl Memleket basshysy Qasym-Jomart Toqaevtyń Qazaqstan halqyna Joldaýyn iske asyrý aıasynda Nur-Sultan qalasynyń aınalasyna jasyl beldeýdi arttyrý úshin 900 myńǵa jýyq kóshet otyrǵyzý josparlanyp otyr. Onyń 60 myńy – qylqan japyraqty, 800 gektardan astam alańǵa otyrǵyzylady. Qazirgi ýaqytta 405 ga alańǵa 450 myń danadan astam kóktemgi otyrǵyzý júzege asyrylýda, onyń 51 myńy – qylqan japyraqty tuqymdar», - dep habarlady «Astana ormany» JShS bas agronomy Ardaq Hasenov.

Sonymen qatar, aldyn ala otyrǵyzý, sýarý, qopsytý sekildi kútim jumystary júrgizilýde.

Aıta keteıik, Nur-Sultan qalasynyń jasyl beldeýi aýmaǵynda aǵash pen butanyń 34 tuqymdasynan turatyn 11,3 mln aǵash pen 1,9 mln buta ósedi.

Elordanyń jasyl beldeýin qalyptastyrýdyń negizgi maqsaty eldiń bas qalasynyń aınalasynda jasyl alqaptar qurý bolyp sanalady. Olar klımatty jaqsartýǵa áser etip, Nur-Sultan halqynyń ómiri men demalysy úshin qolaıly jaǵdaı jasaıdy. Qazirgi ýaqytta jasyl keńistikter ónerkásip shyǵaryndylarynyń, onyń ishinde avtomobıl kóligi qaldyqtarynyń adamǵa zııandy áserin tómendetýde úlken ról atqarady. Sol sııaqty eldi mekenderde taza aýa qalyptastyrýdyń jalǵyz kózi bolyp sanalady.


Joǵary qaraı