Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Bıyl eń kóp jumys oryndary ashylǵan óńirler anyqtaldy

2019 jyldyń 17 qyrkúıek 2019 12:13

NUR-SULTAN. QazAqparat - Jergilikti atqarýshy organdardyń málimetterine sáıkes, 2019 jylǵy 1 qyrkúıektegi jaǵdaı boıynsha 270,8 myń jańa jumys orny quryldy, ıaǵnı jyldyq jospardyń 72,6 paıyzyn(373 myń) qamtyp otyr. Bul týraly QR Eńbek jáne halyqty áleýmettik qorǵaý mınıstrliginen málim etti, dep habarlaıdy QazAqparat.

Belgili bolǵandaı, atalǵan merzimde aýyldyq jerlerde 115,2 myń adam jumyspen qamtyldy.

«Jalpy qurylǵan jumys oryndarynyń 182,5 myńy turaqty jumys, 88,3 myńy ýaqytsha jumys oryndary. Ekonomıkalyq qyzmet túrleri boıynsha qurylǵan jumys oryndarynyń eń kóp sany kóterme-bólshek saýda salasyna tıesili – 32 myń, qurylysta - 30 myń, aýyl, orman jáne balyq sharýashylyǵynda – 24,8 myń», - delingen vedomstvo habarlamasynda.

Jumys oryndarynyń eń kóp sany Almaty qalasynda (33,6 myń), Almaty (27,9 myń) jáne Mańǵystaý (22 myń) oblystarynda quryldy.

«Eń az mólsheri Qyzylorda (8,7 myń), Batys Qazaqstan (9,8 myń) jáne Aqmola (9,4 myń) oblystarynda quryldy», - dep naqtylady mınıstrliktiń baspasóz qyzmeti.


Joǵary qaraı