Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl HQO arqyly 1,5 adamǵa sporttyq ataq-dáreje rásimdeldi

2020 jyldyń 15 tamyz 2020 13:35

NUR-SULTAN. QazAqparat – Bıyl HQO arqyly 1,5 adamǵa sporttyq ataq-dáreje rásimdeldi, dep habarlaıdy QazAqparat «Azamattarǵa arnalǵan úkimet» memlekettik korporatsııasyna silteme jasap.

Elimizde tamyz aıynyń úshinshi jeksenbisi Sport kúni retinde belgilengen. Osy mereke qarsańynda «Azamattarǵa arnalǵan úkimettiń» front ofısteri arqyly qansha sportshy ataq pen sanatqa ıe bolǵany eseptelip, bul tarapta bıylǵy jeti aı ishinde 1 544 memlekettik qyzmet kórsetilgeni anyqtaldy.

«QR eńbek sińirgen jattyqtyrýshysy», «QR eńbek sińirgen sport sheberi», «QR halyqaralyq dárejedegi sport sheberi», «Biliktiligi joǵary deńgeıdegi joǵary sanatty jattyqtyrýshy», «Joǵary sanatty ulttyq sport tóreshisi», «Ulttyq sport tóreshisi» jáne taǵy basqa da birqatar ataq-sanattardy berý týraly memlekettik qyzmetterdi alý úshin tapsyrylatyn qujattardyń tizimi ataq-sanattyń dárejesine qaraı ártúrli. Onyń ústine bul qyzmetter birneshe kezeńnen turatyndyqtan, merzimi de 24 jumys kúnge jetedi», delingen habarlamada.

Sporttyq ataq pen sanattarǵa qatysty qyzmetter jeke tulǵalarǵa tegin kórsetiledi. Nátıjesinde qyzmet alýshynyń qolyna HQO-da sporttyq ataq berý týraly kýálik nemese biliktilik sanatyn berý týraly kýálik, tıisti tósbelgi nemese sport ataǵy men biliktilik sanatyn berý týraly buıryqtyń kóshirmesi nemese dáleldi bas tartý týraly jaýap usynylady.

Aıta ketý kerek, azamattar sporttyq ataq pen sanattardy Halyqqa qyzmet kórsetý ortalyqtarynda ǵana emes, sondaı-aq sport jáne dene shynyqtyrý salasyndaǵy ókiletti organ men egov.kz elektrondyq portaly arqyly da rásimdeı alady.


Joǵary qaraı