Bıyl qansha qandas elimizde magıstratýra men doktorantýraǵa tústi
NUR-SULTAN. QazAqparat – Bıyl stıpendııa baǵdarlamasy boıynsha 132 qandas elimizdiń joǵary oqý oryndaryna qabyldandy. Bul jaıynda QR Premer-mınıstriniń orynbasary Eraly Toǵjanovtyń Májilis depýtattary saýalyna bergen jaýabynda aıtylǵan, dep habarlaıdy QazAqparat tilshisi.
Vıtse-premerdiń atap ótýinshe, 2019 jyly Ortalyq Azııa elderiniń sheteldik azamattaryna, onyń ishinde Qazaqstan Respýblıkasynyń azamattary bolyp tabylmaıtyn ulty qazaq adamdarǵa arnalǵan elimizdiń joǵary oqý oryndarynda bilim alýǵa stıpendııalyq baǵdarlama iske qosyldy.
«Stıpendııalyq baǵdarlama boıynsha qandastar tek bakalavrıatqa ǵana emes, sonymen qatar joǵary oqý ornynan keıingi bilim berý baǵdarlamalaryna da áńgimelesý nátıjeleri boıynsha túsetigin atap ótken jón. 2021 jyly stıpendııalyq baǵdarlama boıynsha 132 qandas qabyldandy. Onyń ishinde bakalavrıatqa – 100, magıstratýraǵa – 22, doktorantýraǵa – 10. Sondaı-aq, úsh jyl ishinde akademııalyq utqyrlyq aıasynda Frantsııa, Lıtva, Reseı Federatsııasy, Qyrǵyzstannan 33 qandas qabyldandy», - dedi Eraly Toǵjanov jaýabynda.
