Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl kásiptik-tehnıkalyq kolledjderge emtıhansyz túsýge bolady

2021 jyldyń 15 maýsym 2021 12:19

NUR-SULTAN. QazAqparat – Bıyl kásiptik jáne tehnıkalyq kolledjderge túsý emtıhandary alynyp tastalady. Bul týraly Nur-Sultan qalasy bilim berý basqarmasy basshysynyń orynbasary Rımma Imanǵazınova ákimdiktiń baspasóz ortalyǵynda aıtty, dep habarlaıdy QazAqparat tilshisi.

«Tehnıkalyq jáne kásiptik bilim berý uıymdaryna qabyldaý 25 maýsymnan bastalady. Qujattar eki jolmen – «Elektrondy úkimet» veb-portaly nemese tikeleı kolledjge júginý arqyly iske asyrylady. Talapkerler 4 oqý ornyna deıin, 4 mamandyq pen biliktilikke deıin tańdaý arqyly orta býyn jáne qoldanbaly bakalavrıat mamandyqtaryna ótinish bere alady. Bul talapkerlerge memlekettik tapsyrys boıynsha oryn alýǵa múmkindik beredi. Bıyl túsý emtıhandary alynyp tastalady. Al konkýrs ortasha ball boıynsha aqparattyq júıe arqyly avtomattandyrylǵan rejımde ótkiziledi», - dedi basqarma ókili.

Degenmen mamannyń aıtýynsha, pedagogıkalyq, medıtsınalyq mamandyqtar boıynsha kásiptik-tehnıkalyq bilim alýshylar emtıhannan múldem bosatylmaıdy.

«Pedagogıkalyq, medıtsınalyq mamandyqtar boıynsha sondaı-aq, arnaıy jáne shyǵarmashylyq emtıhandardy psıhometrııalyq testileýde tapsyratyn óner jáne mádenıet mamandyqtary boıynsha túsýshilerge talaptar ózgeshe bolady. Jumysshy biliktilikteri, aspaz, bala kútýshi, tiginshi, dánekerleýshi, santehnık mamandyqtary boıynsha jáne «Eńbek» baǵdarlamasy aıasynda ótinish beretin talapkerler konkýrstan tys kolledjderge suhbattasý arqyly ótedi», - dedi Rımma Imanǵazınova.


Avtor Esimjan Naqtybaı
Basty sózder: Nur-Sultan, Bilim,
Joǵary qaraı