Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl Qazaqstan shet memleketterge 9,4 mln dollarǵa gýmanıtarlyq kómek jiberdi

2022 jyldyń 13 mamyr 2022 19:19

NUR-SULTAN. QazAqparat – 2021 jylǵa qaraǵanda bıylǵy jyldyń birinshi toqsanynda Qazaqstan shetelge kóbirek gýmanıtarlyq kómek jiberdi, dep habarlaıdy QazAqparat Finprom.kz-ke silteme jasap.

«Bıyl qańtar-naýryz aılarynda Qazaqstan basqa elderge 9,4 mln AQSh dollary somasyna gýmanıtarlyq kómek jiberdi. Tek naýryz aıynda kórsetilgen gýmanıtarlyqtyń kómektiń somasy 3,6 mln AQSh dollaryn quraıdy. Al ótken jyly osy kezeńde Qazaqstannan basqa elge gýmanıtarlyq kómek jiberilmedi. Sonymen qatar, bıylǵy jyldyń birinshi toqsanynda kórsetilgen gýmanıtarlyq kómek kólemi 2021 jylmen salystyrǵanda $7,5 mln-ǵa asyp túsedi», - delingen Finprom.kz taratqan aqparatta.

Bıyl qańtar-naýryz aıynda elimizden jiberilgen gýmanıtarlyq kómekti ajyratyp qarasaq. Dári - dármek - 4,4 mln dollardy quraıdy, azyq – túlik - $280,8 myń, kıim-keshek pen aıaq kıim - $94,8 myń AQSh dollary. Sondaı-aq, mashınalar men jabdyqtarǵa - 15,4 myń dollar jáne basqa da taýarlarǵa 4,6 mln AQSh dollary jumsaldy.

Qazaqstan atynan usynylǵan gýmanıtarlyq kómektiń eń kóp kólemi Aýǵanstanǵa jóneltildi. ıAǵnı 5,7 mln AQSh dollaryn quraıdy. Osylaısha Aýǵanstan Qazaqstannan gýmanıtarlyq kómekti turaqty túrde alýshy el. Odan bólek, turaqty gýmanıtarlyq kómekti alýshy elder arasynda Tájikstan da bar. 2022 jyldyń birinshi toqsanynda atalǵan memleketke 130,1 myń dollardyń kómegi jóneltildi.

Sondaı-aq, bıyl Qazaqstan atynan Ýkraına, Polsha jáne Vengrııa gýmanıtarlyq kómek aldy. Ýkraınadaǵy jaǵdaıǵa baılanysty jalpy somasy 306 myń dollarǵa 67,7 myń tonna gýmanıtarlyq kómek jiberildi. Onyń ishinde 202,6 myń dollarǵa 41,2 myń tonna azyq-túlik, 40,3 myń dollarǵa 6,7 myń tonna kıim jáne aıaq kıim. Sol sekildi 63,1 myń dollarǵa 19,8 myń tonnany quraıtyn basqa da taýarlar jóneltildi.

Al Polshaǵa 3,1 mln somasyndaǵy AQSh dollaryna 70,7 myń tonna gýmanıtarlyq kómek kórsetildi. Atap aıtqanda, $1,5 mln-ǵa 25,2 myń tonna dári-dármek, $23 myńǵa 8,6 myń tonna azyq-túlik, $22,9 myńǵa 4,7 myń tonna kıim men aıaq kıim jáne $ 22,2 myń tonnaǵa 32,2 myń tonna basqa taýarlar jóneltildi.

Sonymen qatar Polsha Ýkraınadan 3,3 mıllıonǵa jýyq bosqyn qabyldady. Al Ýkraınadan kelgen bosqyndardyń jalpy sany 6 mıllıonǵa jýyq adamdy qurady. Atap aıtqanda, Ýkraına azamattary úshin gýmanıtarlyq kómekpen Almatydan Polshanyń Katovıtse qalasyna júk jetkizildi.

Qazaqstan Vengrııaǵa da 69,5 myń dollardy quraıtyn 6,7 myń tonna gýmanıtarlyq kómek jiberdi. Onyń ishinde $47,2 myń azyq-túlik taýarlaryna-3,5 myń tonna, $10,9 myń kıim men aıaq kıimge-1,1 myń tonna, $11,4 myń basqa taýarlarǵa-2 myń tonna. Vengrııa Ýkraınadan 577,8 myń bosqyn qabyldady.

Al bizdiń el bıyl qańtar–naýryzda $2,2 mln somaǵa gýmanıtarlyq kómek aldy. Bul kórsetkish Qazaqstanǵa kórsetilgen kómektiń 15,1 esege artqanyn kórsetip otyr. Degenmen 2021 jyldyń sol kezeńimen salystyrǵanda 4,4 esege az.

Alynǵan gýmanıtarlyq kómek kóleminiń jartysynan kóbi dári-dármek ($853,2 myń), sondaı-aq kıim men aıaq kıim ($484 myń). Sol sııaqty mashınalar men jabdyqtarǵa 1,6 myń dollar, basqa taýarlarǵa — 881,9 myń dollardy quraıdy.

Bıyl elimizge gýmanıtarlyq kómektiń eń kóp kólemi Italııadan ($1,7 mln-ǵa), odan keıin Qytaı ($476,4 myń) jáne Germanııadan ($37,4 myń) baǵyttaldy.


Joǵary qaraı