Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Qazaqstanda jol bıtýmynyń rekordtyq kólemi óndirildi

2020 jyldyń 24 qazan 2020 21:36

NUR-SULTAN. QazAqparat - Túrkistan oblysyna jumys sapary barysynda QR Energetıka mınıstri Nurlan Noǵaev jol bıtýmyn daıyndaýmen aınalysatyn «Gazpromneft-Bıtým Qazaqstan» JShS kásiporynynyń óndiristik protsesimen tanysty, dep habarlaıdy QazAqparat tilshisi.

«Gazpromneft-Bıtým Qazaqstan» kásiporny 7 jyl boıy munaı jol bıtýmyn daıyndaýmen aınalysady. Óndiris qýaty táýligine 1000 tonnany quraıdy. Óndiris alańynda BND 60/90 jáne 70/100 bazalyq bıtýmnyń markalary shyǵarylady, olardyń sapasy reseılik jáne qazaqstandyq standarttarǵa sáıkes keledi. Daıyn ónimdi jóneltý quıý, sondaı-aq oralǵan túrde metall bóshkelerde júzege asyrylady.

Atalǵan mınıstrlik baspasóz qyzmetiniń málimetinshe, «Gazpromneft» bıtýmyn qoldana otyryp, Ońtústik Qazaqstan joldarynyń úshten biri, onyń ishinde «Batys Eýropa – Batys Qytaı» transqurlyqtyq dáliz – iri jol jobasynyń avtomobıl joly salyndy.

Nurlan Noǵaev kásiporynnyń óndiristik protsesimen tanysty. Kásiporyn basshylyǵymen áńgimelesý barysynda mınıstr 2014 jyldan bastap 2020 jyl aralyǵyndaǵy bıtýmǵa degen qajettilik 400 myń tonnadan 984 myń tonnaǵa deıin óskenin atap ótti, bul Qazaqstan tarıhynda rekordtty kólem bolyp sanalady.

Aıta keteıik, Qazaqstanda jol bıtýmyn óndiretin 4 zaýyt - «CaspiBitum» BK» JShS, «Pavlodar munaıhımııa zaýyty» JShS, «Gazpromneft-Bıtým Qazaqstan» JShS jáne «Asfaltbeton 1» JShS jumys isteıdi. Olardyń jıyntyq qýattylyǵy jylyna 1 mln tonnany qurady. Otandyq zaýyttardyń óndiristik qýaty bıtýmǵa degen josparly qajettilikti tolyq kólemde qamtamasyz etýge qabiletti.

2020 jylǵa arnalǵan bıtým óndirisiniń grafıgi 983,8 myń tonna deńgeıde bekitilgen, onyń ishinde 524,4 myń tonna respýblıkalyq, al 459,5 myń tonna jergilikti mańyzy bar jol qurylysyna arnalǵan.


Joǵary qaraı