Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl keıbir óńirde qurǵaqshylyq bolýy múmkin

2022 jyldyń 27 mamyr 2022 12:28

NUR-SULTAN. QazAqparat – Jem-shóp tapshylyǵyn boldyrmaý maqsatynda Aýyl sharýashylyǵy mınıstrligi jergilikti atqarýshy organdarmen birlesip tıisti jumys júrgizip jatyr, dep habarlaıdy QazAqparat tilshisi.

«Qazgıdromettiń málimetinshe, jazdyń alǵashqy eki aıynda Qazaqstannyń batys aımaqtarynda aýa temperatýrasy normadan joǵary, al eldiń shyǵys aımaqtarynda qalypty deńgeıde bolýy yqtımal. Tamyz aıy salqyndaý bolýy múmkin. Oblystardyń basym bóliginde temperatýra klımattyq norma sheginde, sondaı-aq Qazaqstannyń soltústiginde normadan joǵary temperatýra bolýy yqtımal», - dep atap ótken Aýyl sharýashylyǵy mınıstrligi QazAqparatqa bergen málimetinde.

Sonymen qatar, sınoptıkter maýsym aıynda Qazaqstannyń basym bóliginde jaýyn-shashyn normadan az bolady dep jarııalady.

«Elimizdiń soltústik-shyǵys aımaqtarynda jańbyr jıi jaýady. Eldiń ońtústigi men ońtústik-shyǵysynyń taýly aýdandarynda jaýyn-shashyn qalypty deńgeıde bolýy múmkin. Al shilde men tamyz aılarynda eldiń basym bóliginde klımattyq normaǵa jaqyn deńgeıde jańbyr jaýady dep boljanyp otyr», - delingen vedomstvo habarlamasynda.

«Qazgıdromet málimetine qaraǵanda, bıyl keıbir ońtústik óńirlerde, sonymen qatar Mańǵystaý oblysynda qurǵaqshylyq bolýy yqtımal. Osyndaı jaǵdaı ótken jyly da baıqalǵan. Mal azyǵynyń tapshylyǵy boıynsha ótken jylǵy jaǵdaıǵa jol bermeý maqsatynda mınıstrlik tarapynan múddeli jáne jergilikti atqarýshy organdarmen birlesip tıisti jumys júrgizilip jatyr», - dedi AShM mamandary.

2022 jyldyń qańtarynda 15 júıeli is-sharany kózdeıtin jem-shóp salasyn damytý jónindegi 2022-2025 jyldarǵa arnalǵan jol kartasy bekitildi.

Budan buryn habarlanǵandaı, jalpy jazdyq egis 23 mln gektarǵa josparlanǵan.

Onyń ishinde dándi jáne dándi-burshaqty daqyldar – 15,8 mln gektar, maıly daqyldar – 2,9 mln gektar, kókónis-baqsha daqyldary men kartop – 475,5 myń gektar, jem-shóp daqyldary 3,7 mln gektar aýmaqty qamtıdy.


Joǵary qaraı