Aýa raıy
Astana 6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl magıstratýraǵa qabyldaý emtıhany qalaı ótedi

2020 jyldyń 1 tamyz 2020 20:10

NUR-SULTAN. QazAqparat - Bilim jáne ǵylym mınıstrligi magıstratýraǵa túsetin úmitkerlerge arnalǵan aqparatty jarııalady, dep habarlaıdy QazAqparat.

Vedomstvonyń málimetinshe, magıstratýraǵa oqýǵa túsý úshin qujat qabyldaý 19 shildede aıaqtalǵan. Bıyl 38 myńnan astam adam keshendi testileý tapsyrýǵa nıet bildirdi.

2019 jyly magıstratýraǵa túsýge tilek bildirýshiler sany 30 579 bolǵan edi.

13 300 azamat magıstratýrada eńbek naryǵynda suranysqa ıe baǵyttar boıynsha memleket qarajaty esebinen oqı alady.

Al keshendi testileý 17 tamyzda bastalady.

Keshendi testileý kompıýterlik formatta bolady.

Ár qatysýshy úshin testileý derbes ótedi. Testilenýshiler suraqtardy ótkizip jiberip, aldyńǵy suraqtarǵa qaıta orala alady jáne jaýap nusqalaryn ózgerte alady. Testileý aıaqtalǵan soń 30 mınýt ishinde appelıatsııaǵa tapsyrýǵa bolady.

Testileý ýaqyty - 3 saǵat 55 mınýt, tapsyrmalar sany - 130 bolady.

Testileýden ótý ýaqyty men orny týraly aqparat Sizdiń jeke kabınetińizge jiberiledi (QR BǴM ulttyq testileý ortalyǵynyń saıtynda).


Joǵary qaraı