Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl medıtsınalyq suıyq qaldyqty kádege jaratýdy retteıtin qaǵıda ázirlenedi

2020 jyldyń 18 qazan 2020 02:25

NUR-SULTAN. QazAqparat – 2020 jyldyń sońyna deıin halyq arasynda medıtsınalyq suıyq qaldyqty kádege jaratý jáne medıtsınalyq qaldyqty qaýipsiz jınaý tártibin reglamentteıtin normatıvtik quqyqtyq aktiler ázirlenedi. Bul jaıynda Májilis depýtattarynyń saýalyna oraı QR Densaýlyq saqtaý mınıstri Alekseı Tsoıdyń jaýabynda aıtylǵan, dep habarlaıdy QazAqparat tilshisi.

«Qazirgi ýaqytta mınıstrlik Azııa damý banki men Birikken Ulttar Uıymynyń Qazaqstandaǵy Damý baǵdarlamasynyń qarjylyq qoldaýymen «Medıtsına personalynyń áleýetin arttyrý jáne COVID-19 jaǵdaıynda medıtsınalyq qaldyqtarmen jumys isteýdiń turaqty júıesin qurý» jobasyn iske asyrýǵa qatysýda. Joba komponentteriniń biri «Medıtsınalyq qaldyqtarmen jumys isteý salasynda normatıvtik quqyqtyq aktilerdi, nusqamalar men standartty operatsııalyq rásimderdi ázirleý» is-sharasy bolyp tabylady», - dedi Alekseı Tsoı.

Onyń atap ótýinshe, medıtsınalyq qaldyqtarmen jumys isteý salasyndaǵy olqylyqtardy eskere otyryp, osy is-sharany iske asyrý aıasynda jumys toby halyqaralyq sarapshylardyń qatysýymen osy jyldyń sońyna deıin halyq arasynda suıyq medıtsınalyq qaldyqty kádege jaratý jáne medıtsınalyq qaldyqty qaýipsiz jınaý tártibin reglamentteıtin normatıvtik quqyqtyq aktilerdi, sondaı-aq medıtsınalyq qaldyqtardyń paıda bolý normatıvteri jobalaryn ázirleýdi josparlaýda.

«Joǵaryda aıtylǵandardy eskere otyryp, Ekologııalyq kodekstiń jobasy aıasynda medıtsınalyq qaldyqtardy retteý boıynsha quzyretti qorshaǵan ortany qorǵaý salasyndaǵy ýákiletti organǵa berý máselesiniń qaralýyna baılanysty onyń joǵaryda atalǵan normatıvtik quqyqtyq aktilerdi bekitý boıynsha quzyretin aıqyndaýdy oryndy dep sanaımyz. Mınıstrlik júrgizip jatqan jumys medıtsınalyq qaldyqtarmen jumys isteý salasyndaǵy sanıtarııalyq-epıdemıologııalyq jáne sybaılas jemqorlyq táýekelderin tómendetýge, sondaı-aq qaldyqtardy zańsyz ornalastyrýmen baılanysty tótenshe jaǵdaılardyń týyndaýyn barynsha azaıtýǵa baǵyttalǵan», - dedi Densaýlyq saqtaý mınıstri.


Joǵary qaraı