Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl memlekettik bilim granttarynyń sany 5 myńǵa artady

2022 jyldyń 20 qańtar 2022 11:43

NUR-SULTAN. QazAqparat - 2022 jyly qazaqstandyq JOO-larda oqýǵa arnalǵan bilim granttarynyń sany taǵy 5 myńǵa artady. Osylaısha, granttardyń jalpy sany 61 myńǵa deıin jetedi, dep habarlaıdy QazAqparat.

Esterińizge sala keteıik, 2021 jyly kadrlardy daıarlaýǵa arnalǵan memlekettik bilim berý tapsyrysy 5 myńǵa, ıaǵnı 51 myńnan 56 myń grantqa deıin kóbeıtilgen. Jańa granttar stýdentter arasynda suranysqa ıe jáne ózekti mamandyqtarǵa bólinetin bolady.

Jalpy, Memleket basshysynyń tapsyrmasy boıynsha joǵary bilimniń qoljetimdiligin arttyrý úshin 2025 jylǵa deıin bilim granttarynyń sany kezeń-kezeńimen taǵy da 15 myńǵa artady.

Sondaı-aq bilim berý granttaryn bólý kezinde azamattardyń áleýmettik osal sanattary úshin kvotalar kózdelgen.

«Osylaısha, Prezıdenttiń qoldaýynyń arqasynda bıýdjet esebinen oqýǵa múmkindik alǵan qazaqstandyq mektep túlekteriniń sany artty. Mysaly, ótken jyly bizge 75 myńnan astam ótinim tústi. Onyń ishinde 56 myńnan astam talapker grant aldy. Bıyl granttar sany 61 myńǵa jetedi. Memleket basshysynyń tapsyrmasy boıynsha halyqtyń áleýmettik osal toptarynan shyqqan balalar úshin kvotalar sanyn ulǵaıttyq. ıAǵnı, kópbalaly nemese tolyq emes otbasylardan shyqqan balalar, sondaı-aq otbasylarynda erekshe qajettilikteri bar balalardy tárbıelep otyrǵan talapkerler grant alý úshin áldeqaıda kóp múmkindikterge ıe bolady», – dep habarlady Bilim jáne ǵylym vıtse-mınıstri Qýanysh Erǵalıev.

Joǵary qaraı