Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Pavlodar oblysyna 3 myń bas asyl tuqymdy mal jetkizildi

2020 jyldyń 25 qarasha 2020 01:36

PAVLODAR. QazAqparat – Jyl basynan beri Pavlodar oblysyna 3 myń bas asyl tuqymdy mal ákelindi, dep habarlaıdy QazAqparat.

Oblys ákimdiginiń aqparatyna sáıkes, tek osy aıdyń ózinde óńirge ımporttyq analyq maldyń eki partııasy jetkizildi: 13 qarashada – Reseı Federatsııasynan 105 bas, 22 qarashada – Irlandııadan 140 bas. 2020 jyldyń sońyna deıin «Sybaǵa» memlekettik baǵdarlamasy boıynsha oblysqa taǵy 2 myń iri qara mal jetkiziledi.

Pavlodar oblysynda «Sybaǵa» baǵdarlamasymen 19 sharýa jáne fermerlik qojalyq shetelden analyq mal basyn aldy. Fermerler negizinen gereford tuqymdy iri qara maldy tańdady.

«Gerefordtardyń basty artyqshylyǵy olardyń kúı talǵamaıtyndyǵynda jáne etiniń sapasy óte joǵary. Búginde bizdiń sharýashylyqtaǵy mal basy 1200-ge jýyq. Búkil Qazaqstan boıynsha asyl tuqymdy tóldi satýǵa múmkindigimiz bar», - deıdi «Bolat» sharýa qojalyǵynyń basshysy Serik Súleımenov.

«Sybaǵa» baǵdarlamasy boıynsha nesıe jyldyq 4%-ben 15 jylǵa deıingi merzimge beriledi. Satyp alynǵan árbir asyl tuqymdy mal úshin sharýalar sýbsıdııa ala alady: alys shetelden jetkizilgen mal úshin - 300 myń teńge, TMD elderinen jetkizilgen mal úshin - 225 myń teńge, otandyq ІQM úshin - 150 myń teńge. Budan basqa fermerler mal sharýashylyǵy tehnıkasyn, jem-shóp óndirýge arnalǵan jabdyqtardy satyp alýǵa jáne aınalym kapıtalyn tolyqtyrýǵa qaryz ala alady.

«Biz mal sharýashylyǵyn damytýǵa múddelimiz. Óıtkeni bul aýyldyq jerlerde turaqty jumys oryndaryn ashady jáne jastarǵa bıznespen aınalysýǵa múmkindik beredi. «Sybaǵa» baǵdarlamasynan basqa, fermerlerge jeńil nesıe men sýbsıdııa beretin basqa da baǵdarlamalar bar», - dep atap ótti Pavlodar oblysy ákiminiń orynbasary Asaıyn Baıhanov.

Pavlodar oblysynda «Sybaǵa» baǵdarlamasy boıynsha nesıe alý úshin ótinish qabyldaý merzimi uzartyldy. Nesıe alý sharttary týraly aqparatty Pavlodar oblysynyń aýyl sharýashylyǵy basqarmasynan myna mekenjaı boıynsha alýǵa bolady: Astana kóshesi, 61, 307 kabınet, tel. 8 (7182) 372009. Sonymen qatar WhatsApp-taǵy +7 776 879 1414 nómir boıynsha «jedel jelige» habarlasýǵa bolady.


Joǵary qaraı