Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl SQO-nyń 18 mektebine oqýshylar avtobýsy satyp alyndy

2021 jyldyń 23 shilde 2021 22:57

PETROPAVL. QazAqparat – Soltústik Qazaqstan oblysynyń 18 mektebine shaǵyn avtobýstar satyp alyndy, dep habarlaıdy QazAqparat tilshisi.

SQO bilim basqarmasy baspasóz qyzmetiniń málimetinshe, óńirde qatynap oqıtyn oqýshylardyń máseleleri birtindep sheshilip jatyr. Bıyl balalardy tasymaldaý úshin 18 mektepke shaǵyn avtobýs satyp alyndy.

Balalar qatynap oqıtyn mektepterdiń biri – Petropavldaǵy Kırpıchnyı shaǵyn aýdanyndaǵy №12 bilim ordasy. Bul mektepte 60 oqýshy kelip oqıdy. Olar kúndelikti sabaqqa qatysý úshin 4 km jol júrýleri tıis. Jol mashaqatyn tartqan balalardy tasymaldaý úshin mekemege GAZel avtokóligi satyp alyndy. Osy maqsatqa bıýdjetten 12 mln teńge bólindi.

Mektepteri joq shaǵyn aýyldardyń balalary kúndelikti nemese apta saıyn qatynap oqıdy. Olardyń kópshiliginde oqýshylardy tasymaldaý uıymdastyrylǵan. Byltyrǵy oqý jylynda 158 eldi mekennen 1,5 myńnan astam oqýshy tasymaldandy. Olaryń 984-i mektepke kúnde baryp-kelip oqıtyndar. Balalardy tasýǵa 124 kólik bólingen.

Byltyr mektepterdiń avtoparkterin jańartý maqsatynda 42 shaǵyn avtobýs satyp alyndy. Bıyl taǵy 18-i qatarǵa qosyldy. Nátıjesinde oblystaǵy mektepterdiń avtoparki 50 %-ǵa jańartylady. Bul jumys keler jyly jalǵaspaq.


Joǵary qaraı