Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl Túrkistan oblysynan soltústik óńirlerge 400 otbasy qonys aýdarǵan

2021 jyldyń 15 qyrkúıek 2021 14:18

TÚRKІSTAN. QazAqparat - Jalpy «Eńbek» baǵdarlamasymen Túrkistan oblysynan soltústik óńirlerge 2015-2021 jyldar aralyǵynda 2 533 otbasy (9 617 adam) qonys aýdarǵan. Al bıyl jyl basynan beri oblystan 400-den astam úıelmen kóship barǵan, dep habarlaıdy QazAqparat.

Bul jaıly brıfıngte Pavlodar oblysy jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Merýert Esembaeva aıtty.

Óńir boıynsha búginde oblystyq jumyspen qamtýdy úılestirý jáne áleýmettik baǵdarlamalar basqarmasy men «Nur Otan» partııasy Túrkistan oblystyq fılıaly birlesip uıymdastyrǵan soltústikke qonys aýdarý boıynsha úgit-nasıhat júrgizilip jatyr.

Qazirdiń ózinde Pavlodar oblysyna kóshýge nıet tanytqan jandar az emes.

Máselen, jyl basynan beri soltústik óńirlerge oblysymyzdan 1 792 múshesi bar 400-den astam otbasy qonys aýdarǵan.

Onyń ishinde, Pavlodar oblysyna - 205, Soltústik Qazaqstan oblysyna - 158, Qostanaı oblysyna - 20, Shyǵys Qazaqstan oblysyna - 29 otbasy.

«Baǵdarlamanyń sharapatyn kórgenderdiń 50% - eńbekke qabiletti jandar, 1% - zeınetkerler, 49% - balalar. Aımaqqa qonys aýdarǵandardyń basym kópshiligi aýyl sharýashylyǵymen aınalysqysy keledi. Múmkindigine qaraı jumys máselesin, úı alý qajettiligin retimen sheshý jolǵa qoıylǵan. Kelisimge saı kóship kelgen otbasy músheleri 5 jyl aýylda turaqtap qalýy shart, áıtpese berilgen qarajat memleket qazynasyna qaıtarylýy tıis», - dedi Merýert Seıtbekqyzy.




Tereńkól aýdanyndaǵy jumyspen qamtý ortalyǵynyń dırektory Azamat Muqanovtyń aıtýynsha, Pavlodardan 105 shaqyrym jerde ornalasqan aýdanda 35 eldimeken, 12 aýyldyq okrýg bar.

Aýdanda mehanızator mamandar tapshy. Kez kelgen turǵyn kóshýge nıetti bolsa, qushaq jaıa qarsy alýǵa daıynbyz deıdi mamandar.

Óz kásibin ashamyn deýshilerge egin, mal sharýashylyǵymen aınalysýǵa jer telimi usynylady.


Joǵary qaraı