Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl turmysy tómen otbasynan shyqqan 1 myńnan astam bala saýyqtyrý kýrstarynan ótti - BǴM

2021 jyldyń 18 qazan 2021 10:15

NUR-SULTAN. QazAqparat - Elimizdiń barlyq óńirindegi kópbalaly, az qamtylǵan otbasylardan shyqqan 1 myńnan astam bala, onyń ishinde jetim balalar 2021 jyldyń basynan bastap QR Bilim jáne ǵylym mınıstrliginiń «Bóbek» ortalyǵynda emdeldi.

Áńgime sozylmaly somatıkalyq aýrýlary bar nemese sýyq tıip, jıi aýyratyn 8 jastan 13 jasqa deıingi balalar týraly bolyp otyr. Balalar 22 kúndik tegin ońaltý jáne saýyqtyrý kýrsynan ótti, dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.

«Biz balalardyń fızıkalyq jáne rýhanı saýlyǵyna kóp kóńil bólemiz. Aı saıyn áleýmettik osal toptardan shyqqan 100-den astam bala «Ózin-ózi taný» oqý-saýyqtyrý kesheninde emdeledi. Pedıatrlar ár balanyń jasyn, fızıkalyq jáne psıhoemotsıonaldyq jaǵdaıyn eskere otyryp, jeke baǵdarlama jasaıdy. Emdeý kýrsy terrenkýr, fıtoterapııa, galoterapııa (tuz bólmesi), dene shynyqtyrý jáne basqa da jalpy saýyqtyrý sharalaryn qamtıdy», — dep atap ótti QR BǴM «Bóbek» Ulttyq ǵylymı-praktıkalyq bilim berý jáne saýyqtyrý ortalyǵynyń bas dırektory Baıan Faızýllına.

Ortalyqta balalarǵa bilim berý boıynsha da qyzmetter usynylady. Saýyqtyrý kýrsy mektep baǵdarlamasy boıynsha oqýmen úılestirilgen. Bul rette «Ózin-ózi taný» adamgershilik-rýhanı bilim berý baǵdarlamasyna erekshe kóńil bólinedi. Budan basqa, balalardyń oı-órisin keńeıtý úshin Almaty qalasynyń kórikti jerlerinde ekskýrsııalar, sondaı-aq balalardyń qyzyǵýshylyqtary boıynsha úıirmeler men shyǵarmashylyq sheberhanalar uıymdastyryldy.

«Aıta keteıik, QR BǴM «Bóbek» ortalyǵy balalardy áleýmettik-pedagogıkalyq qoldaý jáne tulǵalyq damytý boıynsha jobalardy júzege asyryp jatyr»,-delingen QR BǴM baspasóz qyzmeti taratqan aqparatta.


Joǵary qaraı