Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl jemqorlyq týraly habarlaǵan adamdarǵa 23 mln teńge tólendi - agenttik

2020 jyldyń 30 qazan 2020 12:10

NUR-SULTAN. QazAqparat – Sybaılas jemqorlyq quqyq buzýshylyqtar týraly habarlaǵan 145 adam marapattaldy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov málim etti, dep habarlaıdy QazAqparat.

«Eger kináli tulǵaǵa qatysty ákimshilik jaza qoldaný týraly sot qaýlysy nemese aıyptaý úkimi zańdy kúshine engen jaǵdaıda, sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesetin adamdarǵa birjolǵy aqshalaı syıaqy tólenetinin eske salamyz. Bıylǵy jyldyń 9 aıynda sybaılas jemqorlyq quqyq buzýshylyqtar týraly habarlaǵan 145 adam jalpy somasy 23 mln 664 myń teńgege marapattaldy», - dedi D. Bıǵaıdarov.

Onyń aıtýynsha, agenttik osy baǵytta quqyqtyq mádenıetti jáne azamattardyń memlekettik bılik ınstıtýttaryna senimin arttyrýǵa baǵyttalǵan júıeli aldyn alý jumystaryn júrgizýde. Aldyn alý is-sharalarymen qatar sybaılas jemqorlyqqa qarsy kúres isinde jazanyń bultartpastyǵy da mańyzdy qaǵıdat.

Budan buryn habarlanǵandaı, bıylǵy 9 aıda laýazymdy tulǵalarǵa para berý faktileri boıynsha 381 sotqa deıingi tergeý tirkeldi.



Joǵary qaraı