Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl jol apatynan zardap shekken balalardyń sany 2,3 myńǵa deıin ósti

2021 jyldyń 10 qyrkúıek 2021 17:37

NUR-SULTAN. QazAqparat - Statıstıkalyq derekterge sáıkes bıylǵy jyldyń 8 aıynda elimizde 8 307 jol apaty tirkelip, onda 12 205 adam zardap shekti. Bul jaıynda Bas prokýratýranyń quqyqtyq statıstıka jáne arnaıy esepke alý komıteti málimet taratty, dep habarlaıdy QazAqparat.

Jol kólik oqıǵalarynyń (JKO) ósýi ótken jyldyń uqsas kezeńimen salystyrǵanda 10,2%-dy qurady, zardap shekkenderdiń sany 11,2%-ǵa ósti.

Túrli JKO saldarynan 10 947 adam dene jaraqatyn aldy (10,5%-ǵa ósti) jáne 1 258 adam qaıtys boldy (17,7%-ǵa ósti).

Jolda kámeletke tolmaǵan zardap shekkenderdiń ósýi erekshe nazar aýdarýǵa turarlyq, olardyń sany 1808-den 2298-ge deıin artty jáne zardap shekkenderdiń jalpy sanynyń 18,8%-yn quraıdy.

Jasalǵan orny boıynsha jol apattarynyń negizgi bóligi 72,6% nemese 6030 eldi mekenderde, 1512 halyqaralyq, respýblıkalyq mańyzy bar trassalarda, 765 oblystyq, aýdandyq mańyzy bar joldarda tirkeldi.

Elimizdiń joldary men kóshelerindegi apattar týraly tolyq aqparat «qamqor.gov.kz» saıtynyń «Aqparattyq servıs» bóliminde jarııalanǵan.

Kóbine JKO kólik quraldarynyń soqtyǵysýynan – 3420 fakt, sondaı-aq jaıaý júrginshilerdi qaǵyp ketýinen – 2897 boldy.

Zertteý nátıjesine sáıkes JKO-nyń 87% júrgizýshilerdiń kinásinen (7256 fakt), onyń ishinde 322 alkogol nemese esirtkige mas bolǵan.

Jol-kólik oqıǵalary týraly taldamalyq aqparat «QazAvtoJol «Ulttyq kompanııasy» AQ-ǵa joldandy.

Eń kóp ólim jaǵdaıy búıirlik jáne ilespe baǵyttaǵy avtokólik quraldarynyń soqtyǵysý nátıjesinde jasaldy (qaıtys bolǵandardyń jalpy sanynyń 40,5%).

Ekinshi orynda – jaıaý júrginshini qaǵyp ketýmen baılanysty jol kólik oqıǵalary (qaza bolǵandardyń jalpy sanynyń 26,9%) bolyp tabylady.

Belgilengen jyldamdyqtyń artýynan 1990 JKO oryn alǵan, onda 405 adam qaza tapty.

Burynǵydaı joldardaǵy apattardyń eń kóp sany Almaty qalasyna tıesili – 2161 jaǵdaı.

Al eń joǵary ólim kórsetkishi Almaty oblysynda anyqtaldy - 268 adam qaıtys bolǵan.

Elordada - 349, Shymkent qalasynda - 203 JKO-da adamdar zardap shekken.

Eń az JKO Soltústik Qazaqstan – 107 jáne Mańǵystaý – 138 oblystarynda bolǵan.

Komıtet ishki ister organdary men oblys ákimdikterine kórsetilgen faktilerge qatysty jáne olar boıynsha shara qabyldaý qajettigin eske saldy.


Joǵary qaraı