Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Bıyl JRVI, tumaý, koronavırýs qatar júredi, oǵan jeńil-jelpi qaraýǵa bolmaıdy – dáriger

2020 jyldyń 3 jeltoqsan 2020 21:52

ALMATY. QazAQparat – Óńirlik kommýnıkatsııalar qyzmetinde ótken onlaın brıfıng barysynda Almaty qalasy Psıhıkalyq densaýlyq ortalyǵynyń dırektory Sapar Rahmensheev turǵyndardy aldyn alý sharalaryn saqtaý shaqyrdy, dep habarlaıdy QazAqparat tilshisi.

«Belgili bolǵandaı, búkil álemdegi sııaqty elimizde de COVID-19 aýrýynyń ósýi baıqalady. Osyǵan baılanysty barlyq aldyn alý sharalaryn saqtaý qajet. Betperde rejımi men áleýmettik qashyqtyqty qatań saqtaǵan jón.Adamdar kóp jınalatyn oryndarǵa barmaýǵa tyrysý qajet. Qoldy jıi jýý da basty sharttardyń biri. Sanıtarlyq erejelerdi saqtaı otyryp, aýrýdyń aldyn alýǵa bolady», - dedi S.Rahmensheev.

Sondaı-aq, bas dáriger bıyl JRVI, tumaý, koronavırýs qatar júretinin jetkizdi. Sondyqtan turǵyndardy tumaý belgilerine jeńil-jelpi qaramaýǵa shaqyrdy.

«Tumaý belgilerin baıqasańyz mindetti túrde emhanaǵa júginý kerek. Ózin-ózi emdeýmen aınalysýdyń qajeti joq. Eń bastysy – dárigerlermen keńesken abzal. Habarlasqannan keıin dárigerler sizdi baqylaýǵa alyp, qajetti emdeýdi taǵaıyndaıdy», - dedi ol.

Eske salaıyq, almatylyq dárgerler megapolıs turǵyndaryna sanıtarlyq-epıdemıologııalyq qaýipsizdik sharalaryn buzbaýǵa únemi keńes beredi.

Táýekel (qaýip) toptaryndaǵy: 65 jastan asqan qart adamdar, kez kelgen jastaǵy aýyr sozylmaly aýrýlary bar, tynys alý aýrýlary, aýtoımmýndyq, júrek-qan tamyrlary jáne qaterli isik aýrýlary, qant dıabeti bar adamdar úıde bolýy kerek. Adamdar kóp jınalatyn jerlerge barý óte qaýipti, onyń ishinde úılený toıy, jerleý rásimderi, eske alý jáne taǵy basqasy bar.


Avtor Alma Muqanova
Basty sózder: Koronavırýs, Almaty, Medıtsına, Qoǵam,
Joǵary qaraı