Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Bıylǵy Azamattyq forýmnyń basty erekshelikteri qandaı

2020 jyldyń 26 qarasha 2020 11:18

NUR-SULTAN. QazAqparat – QR Aqparat jáne qoǵamdyq damý vıtse-mınıstri Bolat Tilepov bıyl onlaın formatta ótip jatqan ІH Azamattyq forýmnyń erekshelikterin atady, dep habarlaıdy QazAqparat tilshisi.

«Qoǵam jáne memleket: #Birgemiz áriptestik pen damýdyń 30 jyly» degen aıdarmen ІH Azamattyq forým alǵash ret onlaın formatta ótip jatyr. Onyń maqsaty – ashyq dıalog, qoǵamnyń ulttyq birligin nyǵaıtý, azamattyq bastamany damytý úshin ÚEU-lar men memlekettik organdardyń kúsh-jigerin jumyldyrý. ІH Azamattyq forým elimizdiń Táýelsizdiginiń 30 jyldyǵy qarsańynda ótip jatyr. Sondyqtan munda kóterilip otyrǵan ár máseleniń orny bólek, ózekti. Óıtkeni el áleýetin kóterý, halyqty kúndelikti mazalaıtyn máselelerdi sheshý – memlekettiń únemi nazarda ustap kele jatqan ustanymy. Bul týraly el Prezıdenti de únemi aıtyp keledi», - dedi vıtse-mınıstr OKQ-da ótken baspasóz máslıhatynda.

Bolat Tilepovtyń aıtýynsha, Memleket basshysynyń «Halyq únine qulaq asatyn memleket» tujyrymdamasy ІH Azamattyq forýmnyń ıdeıalyq mazmunyna arqaý bolyp otyr.

«Osymen tórtinshi kúnge jalǵasyp otyrǵan bıylǵy forýmnyń ereksheligi qandaı? Birinshiden, forýmǵa qatysýdyń barshaǵa ortaq qoljetimdiligi jolǵa qoıyldy. Forýmnyń baǵdarlamasy tańǵy jetiden túngi on ekige deıin jalǵasady. Forýmnyń YouTube pen áleýmettik jelilerdegi paraqshalarynda tikeleı kórsetilim uıymdastyrylǵan. Burynǵy forýmdarǵa respýblıkanyń barlyq aımaǵynan sanaýly delegattar saılanyp, bar-joǵy 700-800 adam qatyssa, bıyl onlaın formattaǵy qatysýshylar sanyna shekteý joq. Azamattar kez kelgen óńirden onlaın qosylyp, qoǵamdy tolǵandyratyn túıtkildi máseleler boıynsha pikirtalasqa qatysýǵa múmkindik aldy», - dedi ol.

Vıtse-mınıstr qazirdiń ózinde forýmnyń sharalaryn on myńǵa jýyq adam onlaın kórgenin aıtady.

«Vıdeokonferentsııa arqyly qatysqan belsendi azamattar sany myńnan asty. Ekinshiden suhbat alańdarynda óńirlik úkimettik emes uıymdar keńinen qatysýda. Kásibı ÚEU-lar tek iri qalalarda ǵana bar degen pikir qalyptasqan. Ony bıylǵy forýmnyń jumysy tolyq joqqa shyǵardy. Óıtkeni bizdiń sharalarǵa Nur-Sultan, Almaty, Shymkent qalalary men oblys ortalyqtarynan ǵana emes, shalǵaı aýdandarda jumys isteıtin qoǵamdyq birlestik jetekshileri de qatysýda», - dedi ol.


Joǵary qaraı