Aýa raıy
Astana 8 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Bıylǵy oqý jyly stýdentter úshin qalaı bastalady

2020 jyldyń 5 tamyz 2020 10:17

NUR-SULTAN. QazAqparat - Elimizde kolledj jáne joǵary oqý oryndarynyń stýdentteri úshin oqý jyly negizinen qashyqtan oqytý formatynda bastalady, dep habarlaıdy QazAqparat tilshisi.

QR Bilim jáne ǵylym mınıstrliginiń Telegram paraqshasynda jarııalanǵan aqparatqa sáıkes, pedagogıkalyq, IT, áleýmettik, gýmanıtarlyq baǵyt stýdentteri qashyqtan oqıdy. Tehnologııalyq, agrarlyq baǵyttar, medıtsına jáne óner mamandyqtarynyń stýdentteri ishinara qashyqtyqtan bilim alady. Dáris jáne semınar sabaqtary onlaın ótse, zerthanalyq sabaqtar jáne óndiristik tájirıbe dástúrli formatta júrgiziledi.

Alys aýyldyq jerlerde jáne shaǵyn qalalarda ornalasqan 102 kolledj shtattyq rejımde jumys isteıdi. Bir toptaǵy stýdent sany 15-ten aspaıtyn bolady (birneshe top qurylady).

Joǵary oqý oryndarynda stýdentter negizinen qashyqtan oqytý formatynda bilim alady. Pedagogıkalyq ǵylymdar, IT, áleýmettik jáne gýmanıtarlyq baǵyttar qashyqtan oqıdy.

Tabıǵı, tehnıkalyq jáne agrarlyq baǵyttar, medıtsına jáne óner mamandyqtary boıynsha dárister men semınarlar onlaın, zerthanalyq jáne praktıkalyq sabaqtar shtattyq rejımde ótkiziledi.

Al magıstratýra men doktorantýra sabaqtar ishinara qashyqtyqtan oqytylady. Internatýra men rezıdentýrada oqý dástúrli formata júretin bolady.


Joǵary qaraı