Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bıylǵy Paralımpıada oıyndary tarıhı jeńiske toly boldy – Aqtoty Raıymqulova

2021 jyldyń 7 qyrkúıek 2021 17:44

NUR-SULTAN. QazAqparat – QR Mádenıet jáne sport mınıstri Aqtoty Raıymqulova Paralımpıada chempıondaryn jeńisimen quttyqtady, dep habarlaıdy QazAqparat tilshisi.

«Búgin Tokıo tórindegi baıraqty básekeden oza shaýyp, qazaq halqyna olja alyp kelgen el Táýelsizdiginiń 30 jyldyǵyna altyn, kúmis jáne qola medal syılaǵan paralımpıadashy sportshylarǵa saltanatty túrde qurmet kórsetýge jınalyp otyrmyz. Tarıhı jeńiske toly Paralımpıada oıyndary keshe ǵana shymyldyǵyn japty. Elge oralǵan azamattarymyzben osy zalda kezdesip otyrǵanymyzǵa qýanyshtymyz», - dedi Mádenıet jáne sport mıınstri saltanatty sharada.

Aıta keteıik, Paralımpıada oıyndarynda Qazaqstan 5 medal aldy. Onyń bireýi - altyn, 3-eýi kúmis, 1-i qola medal.

Jalpy komandalyq esepte qazaqstandyq sportshylar 51-orynǵa taban tiredi.

Búgin Prezıdent Qasym-Jomart Toqaevtyń Jarlyǵymen Davıd Degtıarev III dárejeli «Barys» ordenimen, Zarına Baıbatına, Temirjan Dáýlet, Ánýar Sarıevter «Parasat» ordenimen, Nurdáýlet Jumaǵalı «Qurmet» ordenimen marapattaldy.

Qyrymbek Kósherbaev is-shara barysynda altyn medal alǵan Davıd Degtıarevke 106 mıllıon teńge, kúmis medalge ıe bolǵan Zarına Baıbatına, Temirjan Dáýlet, Ánýar Sarıevterge 63 mıllıon teńge, qola júldeger atanǵan Nurdáýlet Jumaǵalıge 31 mıllıon teńge qarjylaı syıaqy tabystady.


Joǵary qaraı