Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Biz alash qaıretkerleriniń dara jolyn basty baǵdar etip ustanamyz – Erlan Qarın

2022 jyldyń 25 aqpan 2022 12:19

NUR-SULTAN. QazAqparat – Ahmen Baıtursynuly sııaqty jasampaz tulǵalardyń eńbegi táýelsizdik qundylyqtarymen tikeleı astasyp jatyr. Astanadaǵy Ahmet Baıtursynulynyń 150 jyldyǵyna arnalǵan halyqaralyq ǵylymı-praktıkalyq konferentsııada QR Memlekettik hatshysy Erlan Qarın osyndaı oı aıtty, dep habarlaıdy QazAqparat tilshisi.

«Jıyrmasynshy ǵasyr basynda qazaq zııalylary uıymdasyp, halqynyń azattyǵy úshin kúreske shyqqany barshańyzǵa málim. Ahmet Baıtursnuly osy kúreste Álıhan Bókeıhan, Mirjaqyp Dýlat, Jaqyp Aqbaev sııaqty serikterimen birge ulttyń kóshin bastady.

Ahań Alash qozǵalysynyń qarlyǵashy – Qarqaraly quzyrhatyn uıymdastyrdy. Halyqty oıatqan «Qyryq mysal», «Masa» poezııalyq jınaqtaryn shyǵardy, «Til quraldaryn» jazyp, eldiń jappaı saýatyn ashty. Ultty ún jarııasy bolǵan «Qazaq» gazetiniń bas redaktory boldy. Bul Ahańnyń elge sińirgen ólsheýsiz eńbeginiń bir parasy ǵana», -dedi Memlekettik hatshy.




Sondaı-aq, ol Ahmet Baıtursynuly ómir súrgen zaman –qazaqtyń joǵyn joqtap, baryn túgendegen dúbirli dáýir dep esepteıtinin jetkizdi.

«Halqymyz úshin asa kúrdeli kezeńde olar naǵyz ult qaıratkeri bola bildi. Alash arystary óz zamandastarynyń ǵana emes, keıingi barsha urpaqtyń boıyna el úshin emirene eńbek etýge degen qulshynysty sińire aldy. Qazirgi táýelsizdik dáýiriniń perzentteri sol taǵylymmen sýsyndap keledi. Biz alash qaıretkerleriniń dara jolynan ónege alyp qana qoımaı, ony árdaıym basty baǵdar etip ustanamyz. Óıtkeni Ahań sııaqty jasampaz tulǵalardyń eńbegi táýelsizdik qundylyqtarymen tikeleı astasyp jatyr», -dedi Erlan Qarın.





Joǵary qaraı