Aýa raıy
Astana -13 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Biz birgemiz: Tarazda koronavırýspen kúreskenderge arnalǵan monýment ashyldy

2020 jyldyń 28 qarasha 2020 14:28

TARAZ. QazAqparat –Tuńǵysh Prezıdent kúni qarsańynda Taraz qalasynda «Biz birgemiz» erekshe monýmenti ashyldy, dep habarlaıdy QazAqparat.

Kompozıtsııa jer planetasy túrinde jasalǵan, onyń aınalasynda túrli mamandyq ókilderi - dárigerler, polıtsııa qyzmetkerleri, eriktiler, qutqarýshylar, áskerı adamdardyń músinderi ornatylǵan.







Olar - koronavırýs pandemııasymen kúreste aldyńǵy shepten tabylǵandar.

Eskertkishtiń joǵarǵy jaǵynda beıbitshilik pen kelisimdi beıneleıtin qarlyǵashtarmen qorshalǵan shańyraq ornalasqan.

«Asharshylyq, soǵys jáne qýǵyn-súrgin kezinde ata-babalarymyz túrli ult ókilderine qushaq ashyp, qol ushyn sozdy. Sondaǵy halyqtyń birligi qıyn kezeńderdi ótkerýge kómektesti. Bıylǵy jyl bárimiz úshin aýyr boldy. Bul kezeńde de halqymyz óziniń eń jaqsy qasıetteri – birlik pen yntymaǵynan taıǵan joq. Osy eskertkishte kóirinis tapqan maman ıeleriniń kúshimen biz jaǵdaıdy turaqtandyra aldyq. Bul ásirese óz densaýlyǵyna tóngen qaýipke qaramaı kúndiz-túni jumys istegen dárigerlerge qatysty. Ókinishke oraı, biz olardyń keıbirinen aıyrylyp qaldyq. Sondaı-aq, muqtaj jandarǵa kómektesip júrgen eriktiler týraly da aıryqsha atap ótkim keledi. Osyndaı jastarymyz bar kezde, biz erteńgi kúnge senimmen qaraı alamyz», - dedi Berdibek Saparbaev.




«Pandemııa bizdiń bir-birimizge kómektesý jolyndaǵy berik birligimizdi kórsetti. Biz, volonterlar, oblys jastary osyndaı syn sátte shette qala almadyq. Kásipkerlerdiń qoldaýymen muqtaj jandarǵa azyq-túlik, dári-dármekter jetkizdik. Biz ol úshin eshkimnen eshqandaı qaıyrym kútpeımiz, bir ǵana «Rahmet» degen qarapaıym sóz bizdi shabyttandyrady», - deıdi volonter, oblystyq «Jas Otan» jastar qanatynyń tóraǵasy Ýálıhan Bolatbek.

Aımaq basshysynyń aıtýynsha, «Biz birgemiz» monýmentiniń ornalasqan jeriniń tańdalýy tegin emes eken.

Jaqynda onyń janynda birneshe medıtsınalyq mekemeler boı kóteredi.

Al monýmenttiń ózi Tarazdyń kórikti jerleriniń birine jáne qala turǵyndarynyń súıikti demalys ornyna aınalady dep kútilýde.








Joǵary qaraı