Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Biz «múgedek» degen termınen qutylamyz - Lázzat Qaltaeva

2021 jyldyń 26 qarasha 2021 18:15

ALMATY. QazAqparat – Almatyda ótken H Azamattyq forým barysynda «Shyraq» múgedektigi bar áıelder qaýymdastyǵy» qoǵam birlestiginiń basshysy Lázzat Qaltaeva ınklıýzııa máselelerine toqtaldy, dep habarlaıdy QazAqparat tilshisi.

Onyń aıtýynsha, 30 jyl – ótkenge kóz júgirtip, búgingi jaǵdaıdy baǵalap, eń bastysy, bolashaqqa maqsat pen strategııany qurýǵa bolatyn tamasha sát.

« Men sózimdi termınologııadan bastaǵym keledi. Biz «múgedek» degen eskirgen, onyń ústine kemsitýshilik termıninen qutylamyz. Qazaqstanda «múgedek» termınin «múgedektigi bar adam» dep aýystyrý josparlanyp otyr. Múmkindigi shekteýli qazaqstandyqtardyń qozǵalysy úshin bul óte mańyzdy. Jańa termın múgedek saıasatyna jańa kózqaras bolmaq. Bul paradıgmanyń qozaǵalýyn bildiredi, munda adam tek qaıyrymdylyq pen áleýmettik qamsyzdandyrý obektisi ǵana bolmaıdy, eń aldymen adam quqyǵynyń ıesi, qoǵamymyzdyń teń quqyly múshesi bolady»,-deıdi spıker.

Sonymen qatar, ol múmkindigi shekteýli adamdardyń qoǵamdaǵy damýy, qoǵamnyń bundaı adamdarǵa degen kózqarasy, sondaı-aq eshqandaı bógetsiz azamattyq qoǵam qurý qajettiligi týraly aıtty.

«Múmkindigi shekteýli jandardyń áleýetine erekshe nazar aýdarý qajet. Olardyń quzyrettiligin damytyp, ashyq eńbek naryǵyna shyǵarýymyz kerek. Adam óz daǵdylaryn umytpaı, jumysqa tezirek oralýy úshin ońaltý qysqa jáne tıimdi bolýy shart. Bul baǵytta bizdiń uıymdar jumys istep jatyr jáne biz olarǵa qoldaý kórsetýimiz kerek. Stereotıpter men teris pikirdi buzý, qorqynysh pen senimsizdikti jeńýge kómektesý mańyzdy. Múmkindigi shekteýli jandar úshin ǵana emes, jumys berýshiler úshin de, búkil qoǵam úshin de qajet. Múmkindigi shekteýli adamdar resýrs bola alady jáne bolýy kerek. Muny halyqaralyq tájirıbe dáleldep otyr. Qazir biz memleketti basqarýǵa qatysýǵa, onyń damýyna úles qosýǵa teń múmkindikterge ıe bolýy kerektigi týraly kóbirek aıtyp jatyrmyz»,-dedi «Shyraq» múgedektigi bar áıelder qaýymdastyǵy» qoǵam birlestiginiń basshysy Lázzat Qaltaeva.

Aıta keteıik, búgin Almatyda H Azamattyq forým ótti.



Avtor Alma Muqanova
Basty sózder: Almaty, Qoǵam, Medıtsına,
Joǵary qaraı