Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Bıznes mindettemelerin tsıfrlyq baqylaý isin aıaqtaý úshin UEM-ǵa eki aı ýaqyt berildi

2020 jyldyń 21 shilde 2020 11:37

NUR-SULTAN. QazAqparat – Úkimet basshysy Asqar Mamın bıznestiń qarsy mindettemelerin tsıfrlyq baqylaý jumysyn aıaqtaý úshin Ulttyq ekonomıka mınıstrligine eki aı ýaqyt berdi, dep habarlaıdy QazAqparat tilshisi.

«Qarjy mınıstrligine «Atameken» palatasymen jáne múddeli memlekettik organdarmen birge bir apta merzimde otandyq taýar óndirýshilerdiń memlekettik jáne kvazımemlekettik sektordyń satyp alýyna qatysýyna kedergi keltiretin barlyq júıelik tosqaýyldardy joıý jónindegi is-qımyl algorıtmin daıyndaýdy tapsyramyn. Sonymen birge «Samuryq-Qazyna» qorynyń satyp alýy otandyq óndiristiń damýyna serpin beredi. Aýqymdy jumys júrgizilip jatyr. Kórip otyrǵanymyzdaı, qordyń otandyq óndiris taýarlaryn qoldaý jónindegi naqty talaptarynyń jáne durys eseptiliginiń arqasynda jergilikti qamtý úlesi joǵary deńgeıge jetti – 69 paıyz. Sondaı-aq offteık kelisimsharttar jańa óndirister qurýǵa arnalǵan neǵurlym pármendi quraldardyń biri bolyp otyr. Qazirgi tańda 22 mlrd teńgege 35 offteık kelisimshart jasalǵan. Osy jumysty keńinen jalǵastyrý kerek», - dedi Asqar Mamın Úkimet otyrysynda.

Úkimet basshysy Ulttyq ekonomıka mınıstrligine eki aı ishinde bıznestiń qarsy mindettemelerin tsıfrlyq baqylaý jumysyn aıaqtaýdy, tıisti zańnamalyq túzetýler paketin daıyndaýdy júktedi.

«Atameken» palatasynyń tsıfrlyq platformasynyń bazasynda bıznestiń qarsy mindettemelerin monıtorıngileý jónindegi pılottyq jobany iske qosý týraly Premer-Mınıstr ókiminiń jobasyn engizýdi tapsyramyn», - dedi ol.


Joǵary qaraı