Aýa raıy
Astana 30 °S
Almaty 36 °S
valıýta baǵamy
USD 412.55
EUR 468.66
RUB 5.79
CNY 58.80

BQO ákimi Oraldaǵy aýyz sý tapshylyǵyna túsinik berdi

2020 jyldyń 9 shilde 2020 13:47

ORAL. QazAqparat – Batys Qazaqstan oblysynyń ákimi Ǵalı Esqalıev Oral qalasynda aýyz sýdy shektep berý áli de jalǵasatynyn málim etti, dep habarlaıdy QazAqparat tilshisi.

Jaz bastalǵannan beri sý úılerge shekteýli merzimde berilýde. Ásirese, joǵary qabatta turatyn turǵyndar sýdyń joqtyǵyna jıi shaǵymdanady. Onyń ústine sońǵy kezde kúnniń qatty ysyp ketýi halyqqa qıyn tıip otyr.

Oblys ákimi Ǵalı Esqalıevtiń aıtýynsha, ótken jyldan beri káriz qubyrlarynda apat jıilep ketti. Qazirgi tańda M.Sholohov kóshesi boıynda 5 km qubyrdy aýystyrý jumystary júrgizilýde. Bul qaladaǵy eski qubyrlarǵa kúsh túsirýde.

Qazir karantınge baılanysty turǵyndardyń kópshiligi úılerinde otyr. Oǵan qosa jeke turǵyn úıdegiler sýdy baqsha sýarýǵa paıdalanýda. Osynyń saldarynan sýdy tutyný mólsheri artty.

«Kúni búgin aýyz máselesin sheshý baǵytynda qosymsha sharalardy qolǵa alyp jatyrmyz. Aıtalyq, «Jaıyqjylýqýat» AQ-dan jylý-elektr ortalyǵynda temperatýrany tómendetý esebinen qosymsha sý berý máselesi sheshildi. Qosymsha sorǵy iske qosyldy. Degenmen sýdy ýaqyt boıynsha shektep berý jalǵasatyn bolady», - dedi óńir basshysy.

«Batys sý arnasy» JShS bas dırektory Qaıyrǵalı Imashevtiń sózine qaraǵanda, qazirgi tańda kásiporyn tolyq qýatynda jumys jasap jatqanymen, táýligine 56 myń tekshe metr sý qala qajetin óteı almaıdy. Qalada jańa shaǵynaýdandar boı kóterýde. Qazirdiń ózinde táýligine 65-70 myń tekshe metr sý qajet.

«Jańa sý qoımasyn salý úshin birneshe jyl kerek. Toqpaı kenishindegi sý qoryn zertteýdiń ózine eki jyl kerek. Al Trekın aýyly mańyndaǵy kenishte 11 skvajına qazyp, sorǵylarymen jańa rezervýar qoısaq, sý jetkilikti bolar edi. Bul úshin shamamen 24 mlrd teńge qarjy kerek. Qazir joba daıyndalýda», - dedi Q.Imashev.

«Batys sý arnasy» JShS basshysy qala turǵyndary baqshalaryn aýyz sýmen sýarýdy toqtatsa, sý jetkilikti bolatynyn jetkizdi. Osyǵan baılanysty qala ákiminiń orynbasary Mıras Múlkáı jeke turǵyn úılerge de sýdy shektep berý máselesi qarastyrylyp jatqandyǵyn aıtty.


Avtor Eljan Eraly
Basty sózder: Aımaq, Ákim, Batys Qazaqstan oblysy,
Joǵary qaraı