Aýa raıy
Astana 29 °S
Almaty 32 °S
valıýta baǵamy
USD 386.70
EUR 427.15
RUB 6.06
CNY 54.57

BQO-da 100-den astam mal órtten qyrylyp qaldy

2019 jyldyń 25 tamyz 2019 20:02

ORAL. QazAqparat – Batys Qazaqstan oblysynda 100 bastan astam mal órtte janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 24 tamyz kúni saǵat 03.12-de Jańaqala aýdany Pıatımar aýyldyq okrýgi Quspan qystaǵynda oryn aldy.

Sharýashylyq qurylysy (210 sharshy metr) men pishen qorasy (2450 sharshy metr) órtenip, 162 tonna shóp (650 orama), sondaı-aq 100 bas ýaq mal jáne 8 bas iri qara janyp ketken.

Aldyn ala málimet boıynsha, qasaqana ot qoıylǵan.

Órt eki qyzmetker, 1 tehnıkanyń kúshimen saǵat 09.00-de sóndirilgen.




Taǵy bir órt saǵat 23.16-da Báıterek aýdany Dostyq aýyldyq okrýginde «Prı Chagane» men «Bars ı K» JShS aýmaqtarynda boldy. Munda 200 tonna (800 orama) shóp otqa oranǵan.

Órttiń búgin saǵat 07.20-da beti qaıtyp, 08.51-de aýyzdyqtalǵan.

Zardap shekkender joq.

Oqıǵa ornyna jeke quramnan 6 adam, 2 tehnıka, aýdandyq polıtsııa bóliminen 2 qyzmetker, 1 tehnıka barǵan.

Qazirgi kezde atalǵan oqıǵalardyń jaı-japsary anyqtalý ústinde.








Joǵary qaraı