Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

BQO-da 410 memlekettik qyzmetshi tártiptik jaýapkershilikke tartyldy

2020 jyldyń 20 qazan 2020 13:08

ORAL. QazAqparat – Batys Qazaqstan oblysynda bıylǵy toǵyz aıda 410 memlekettik qyzmetshi tártiptik jaýapkershilikke tartyldy, dep habarlaıdy QazAqparat tilshisi.

QR Memlekettik qyzmet isteri agenttigi BQO boıynsha departamentiniń basshysy, ádep jónindegi keńes tóraǵasy Ǵalym Tursynbaevtyń óńirlik kommýnıkatsııalar qyzmeti alańynda ótken brıfıngte málim etkenindeı, sonyń ishinde 221-i nemese 53,9 paıyzy – jergilikti atqarý organdary qyzmetshileri, 189-y nemese 46,1 paıyzy – aýmaqtyq memlekettik organdar qyzmetshileri.

Sonyń ishinde 349 qyzmetshi (85,1 paıyz) tártiptik komıssııa otyrystarynyń qaraýynsyz jaýapkershilikke tartylyp, olarǵa 253 eskertý, 74 sógis, 22 qatań sógis túrindegi tártiptik jaza qoldanyldy.

Tártiptik komıssııalar men basqa da ýákiletti organdardyń usynystary boıynsha 61 tártiptik jaza qoldanylsa, sonyń ishinde Ádep kodeksi normalaryn buzǵany úshin 10, memlekettik qyzmetke kir keltiretin tártiptik teris qylyqtar jasaǵany úshin 8, ózge zańnama talaptaryn buzǵan 43 adam jaýapqa tartyldy.

Memlekettik organdardyń tártiptik komıssııalarynda 107 materıal qaralyp, sonyń nátıjesinde tártiptik jazaǵa tartý týraly 51 usynym jasaldy. Tártiptik jazaǵa tartýǵa negiz joq degen 56 usynym engizildi.

Ǵalym Sultanulynyń sózine qaraǵanda, osy kezge deıin BQO-daǵy ádep jónindegi keńestiń 9 otyrysy ótip, onda 32 másele qaraldy. Sonyń 21-i (64,5 paıyzy) profılaktıkalyq baǵyttaǵy máseleler bolsa, 11-i nemese 35,5 paıyzy –tártiptik ister.

«Ádep jónindegi keńes talqylaı kele 10 laýazymdy tulǵaǵa (2019 jyldyń toǵyz aıynda – 5) tártiptik jaza qoldaný týraly usynys jasady. Sonyń ishinde beseýi memlekettik qyzmetke kir keltiretin teris qylyqqa barǵan. Bulardyń úsheýine qyzmetine tolyq sáıkes emestigi týraly eskertý berý, ekeýin atqaryp otyrǵan memlekettik laýazymynan bosatý usynyldy. Bes qyzmetshi (bireýi – qyzmetine tolyq sáıkes emestigi týraly eskertý, ekeýi – qatań sógis, ekeýi –eskertý) Ádep kodeksiniń talaptaryn saqtamaǵany úshin jaýapqa tartyldy. Bir tártiptik is toqtatyldy», dedi Ǵ.Tursynbaev.


Joǵary qaraı